ఇజ్రాయెల్​ బందీలను విడుదల చేయాల్సిందే

వాషింగ్టన్​: తాను అధికారంలోకి వస్తే ఉక్రెయిన్​–రష్యా, ఇజ్రాయెల్​–హమాస్​–లెబనాన్​ ల యుద్ధం సమసిపోయేలా చర్యలు తీసుకుంటానన్న అమెరికాకు కాబోయే అధ్యక్షుడు డోనాల్డ్​ ట్రంప్​ హమాస్​ కు మంగళవారం హెచ్చరికలు జారీ చేశారు. 2025 జనవరి 20 వరకు ఇజ్రాయెల్​ బందీలను విడవకపోతే హమాస్​ చరిత్ర ముగిసినట్లేనని, పరిణామాలు తీవ్రంగా ఉంటాయని హెచ్చరికలు జారీ చేశారు. తనప్రమాణ స్వీకారానికి ముందే బందీలను విడుదల చేయాలని లేకుంటే మధ్యప్రాచ్యంలో మరో తుపాను వస్తుందని మానవత్వానికి వ్యతిరేకంగా అఘాయిత్యాలకు పాల్పడిన వారిని వదలమని హెచ్చరించారు. ఇజ్రాయెల్​ కు చెందిన 250 మంది బందీలను హమాస్​ తమ ఆధీనంలో ఉంచుకుంది. ఇందులో 150 మంది విడుదల కాగా, మరో వందమంది వారి వద్దే బందీలుగా ఉన్నారు. బందీలను విడుదల చేయాలనే  షరతుతో ఇజ్రాయెల్​ కాల్పుల విరమణను ప్రకటించింది. 2023 అక్టోబర్​ 7న హమాస్​ ఉగ్రవాదులు ఇజ్రాయెల్​ పై దాడిచేశారు. ఈ దాడుల్లో 1200మంది మృతి చెందగా, 250 మందిని బందీలుగా పట్టుకున్నారు. అనంతరం ఇజ్రాయెల్​ గాజా, లెబనాన్​ లపై విరుచుకుపడి హమాస్​, హిజ్బుల్లా పెద్ద నాయకులను మట్టుబెట్టింది. ఇజ్రాయెల్​ సాగించిన ఈ యుద్ధంలో గాజా భస్మీపటలమైంది. సుమారుగా 10 లక్షల మంది సురక్షిత ప్రాంతాలకు తరలివెళ్లారు. 44వేల మందికిపైగా మరణించారు. గాజాలో ప్రస్తుతం నివాసయోగ్యంగా ఒక్క భవనం కూడా మిగలలేదు.