ఇరాన్ గూడఛారి సమాచారం నస్రుల్లా మృతికి కారణం!
Iran spy information is the reason for the death of Nasrullah!
నా తెలంగాణ, న్యూ ఢిల్లీ: హిజ్బొల్లా చీఫ్ నస్రుల్లా దక్షిణ బీరూట్ లో అండర్ గ్రౌండ్ లో ఉన్న సమాచారాన్ని ఇరాన్ కు చెందిన ఓ గూడఛారి అమెరికా/ఇజ్రాయెల్ కు అందించినట్లు తెలుస్తోంది. ఈ గూడఛారిని నస్రుల్లా భద్రత కోసం ఇరాన్ నియమించినట్లుగా సమాచారం. బీరూట్ లోని 60 అడుగుల లోతులో ఉన్న బంకర్ లో నస్రుల్లా సమావేశం కాబోతున్నారన్న ఖచ్చితమైన సమాచారం, తేదీ, సమయంతో సహా అందించాడని తెలుస్తోంది. ఈ బంకర్ హిజ్బొల్లాకు సెంట్రల్ కమాండ్ హెడ్ క్వార్టర్ కావడం విశేషం. ఇతని సమాచారంతోనే ఇజ్రాయెల్ ఒకేసారిగా 85 టన్నుల బాంబులను ఆ ప్రాంతంలో ప్రయోగించింది. అయితే ఇజ్రాయెల్ ప్రయోగించిన ఈ బాంబులు ప్రత్యేకమైనవి. వీటిని బంకర్ బస్తర్ బాంబులుగా పిలుస్తారు. ఈ బాంబులు భూమిపై పేలవు. నేరుగా భూమిలోకి చొచ్చుకొని వెళతాయి. అనంతరం పేలతాయి. ఏది ఏమైనా హిజ్బొల్లాను పెంచి పోషిస్తున్న ఇరాన్ కు ఈ గూడఛారి ఇచ్చిన సమాచారం దడపుట్టించేలా చేసింది. ఓ ఉగ్ర అగ్రనేతను కోల్పోయింది. మరోవైపు ఇరాన్ అధ్యక్షుడు అయతుల్లా ఖమేనీ ఇంకా అండర్ గ్రౌండ్ లో ఉన్నారు. ఇజ్రాయెల్ పై దాడులకు ప్రణాళికలు రచిస్తున్నారు.
