భారత్​ సూపర్​ పవర్​

మాస్కో: భారత్​ సూపర్​ పవర్​, గొప్పదేశమని రష్యా అధ్యక్షుడు వ్లాదిమిర్​ పుతిన్​ అన్నారు. శుక్రవారం ఆయన మీడియాతో తన అభిప్రాయాలను పంచుకున్నారు. భారత్​ తో వివిధ రంగాలలో బంధాలను పంచుకుంటున్నామని పుతిన్​ స్పష్టం చేశారు. గొప్ప ఆర్థిక వ్యవస్థలలో భారత్​ ప్రధానమైందన్నారు. 7.4 జీడీపీతో భారత్​ దినదినాభివృద్ధి చెందుతుందన్నారు. భారత్​ ప్రపంచదేశాల్లో అగ్రరాజ్య జాబితాలో చేర్చాలని పుతిన్​ డిమాండ్​ చేశారు. భారతదేశ స్వాతంత్ర్యంలో రష్యా పాత్ర పోషించిందని గుర్తు చేశారు. ఒకటిన్నర బిలియన్ల జనాభా కలిగిన అతిపెద్ద దేశం భారత అన్నారు. ఇక్కడి సంస్కృతి, సాంప్రదాయాలు భవిష్యత్తులో అత్యంత ప్రాధాన్యతకు సూచికలుగా నిలుస్తాయనడంలో ఎలాంటి సందేహం లేదన్నారు. భారత్​–రష్యాలు సంయుక్తంగా కలిసి బ్రహ్మోస్​ ను అభివృద్ధి చేశాయని తెలిపారు.