హమాస్​ అంతమే లక్ష్యం

జెరూసలెం: ఇజ్రాయెలీ బందీలను విడిచిపెట్టే వరకు, హమాస్​ ఆఖరి ఉగ్రవాదిని అంతం చేసేవరకూ తమ పోరాటం కొనసాగుతుందని మరోమారు ఆ దేశ ప్రధాని నెతన్యాహు స్పష్టం చేశారు. మంగళవారం జరిగిన ఉన్నత స్థాయి సమావేశంలో నెతన్యాహు అధికారికంగా ఈ విషయాన్ని ప్రకటించారు. ఎట్టి పరిస్థితుల్లోనూ తలవంచేది లేదన్నారు. హమాస్​ వల్ల ఇప్పటికే ఇజ్రాయెల్​ అనేక రకాలుగా నష్టపోయిందన్నారు. మరోమారు నష్టపోయేందుకు సిద్ధంగా లేమని తాడో–పేడో తేల్చే వరకు పోరాటం ఆపబోమని హెచ్చరించారు. రఫాలో ఉన్న హమాస్​ స్థావరాలు వ్యక్తులనందరినీ హతమారుస్తామని సంచలన ప్రకటన చేశారు. 

తమపై దాడి 1500మంది పొట్టన బెట్టుకున్నప్పుడు ఈ అంతర్జాతీయ సమాజం ఎక్కడకు పోయిందని ఆవేదన వ్యక్తం చేశారు. ఇప్పటికే 250 మంది బందీలు వారి చేతిలో ఉన్నారని ఆవేదన వ్యక్తం చేశారు. ఉగ్రవాద భావజాలం ఉండి ఇజ్రాయెల్​ కు నష్టం కలిగించాలనే ఏ ఒక్కరిని వదలబోమని ప్రధాని నెతన్యాహు స్పష్టం చేశారు. హమాస్​ చేతిలో మరణించిన తమదేశ ప్రజలకు నివాళులర్పించారు. హమాస్​ ను అంతం చేయడమే తమ ముందున్న ఏకైక లక్ష్యమని పేర్కొన్నారు.