వైట్​ హౌస్​ లో గోల్​ గప్పా!

నా తెలంగాణ, సెంట్రల్​ డెస్క్​: ప్రధానమంత్రి నరేంద్ర మోదీ పట్టుదల, పనితీరుకు నిదర్శనంగానే ప్రపంచదేశాల్లో భారత కీర్తి ప్రఖ్యాతలు మోగుతున్నాయన్న విషయం తెలిసిందే. అదే సమయంలో భారత్​ లో అందరూ ఇష్టంగా తినే గోల్​ గప్పా (పానీపూరి–గప్​ చిప్​) పేరు కూడా ఇప్పుడు విదేశీ వంటకాల్లో ఓ భాగంగా మారిపోయింది. పలుమార్లు మోదీ విదేశీ పర్యటనలో ఈ వంటకాన్ని పరిచయం చేశారు. దీంతో ఈ స్పైసీ ఫుడ్​ ను ఒంటబట్టించుకున్న వైట్​ హౌస్​ వర్గాలు ఏదైనా అధికారిక కార్యక్రమం ఉంటే గోల్​ గప్పాను మెనూలో తప్పక అందుబాటులో ఉంచుతున్నారు. 
బైడెన్​ నేతృత్వంలో రోజ్ గార్డెన్ లో ఇటీవలే ఓ రిసెప్షన్‌ను నిర్వహించారు. ఈ కార్యక్రమంలో ఆసియన్​, అమెరికన్లు అనేకమంది పాల్గొన్నారు. ఈ సమావేశం అనంతరం ఎన్నో వంటకాలుండగా అత్యంత ఎక్కువ మంది గోల్​ గప్పానే ఇష్టంగా లొట్టలేసుకొని తిన్నారని వైట్​ హౌస్​ వర్గాలు వెల్లడించడం విశేషం. ప్రస్తుతం వైట్​ హౌస్​ వంటకాల్లో గోల్​ గప్పా కూడా రోజువారీ మెనులో ఉంటుందని సర్వర్లు తెలిపారు. ఏదేమైనా భారత్​ లో లొట్టలేసుకొని తినే గోల్​ గప్పా కాస్త వైట్​ హౌస్​ లో బైడెన్​ కూడా లొట్టలేసుకొనే తింటున్నారంటారా? తింటూనే ఉంటారు లెండీ. లేకుంటే దీనికి ఇంత ప్రత్యేకత ఎందుకు లభించేది. వార్తల్లో ఎందుకు నిలిచేది.