టెల్​ అవీవ్​ పై హమాస్​ దాడులు

జెరూసలేం: హమాస్​ ఇజ్రాయెల్​ పై ఆదివారం భారీ దాడులకు దిగింది. రాకెట్​ లాంచర్లు, క్షిపణులతో ఒక్కసారిగా దాడులు చేస్తూ తమ ఉనికిని చాటుతోంది. హమాజ్​ దాడితో ఇజ్రాయిల్​ లోని టెల్​ అవీవ్​ నగరంలో సైరన్​ లను మోగించారు. మరోవైపు రాకెట్​ లాంచర్లు, క్షిపణులను గాలిలోనే పేల్చేశామని ఐడీఎఫ్​ ప్రకటించింది. మరిన్ని దాడులు జరిగే అవకాశం ఉండడంతో ఇజ్రాయెల్​ అప్రమత్తమైంది.  కాగా ఈ దాడులతో టెల్​ అవీవ్​ నగరంలో తీవ్ర భయాందోళనలు నెలకున్నాయి. గాజాలో పౌరుల ఊచకోతపై ప్రతీకారం తీర్చుకునేందుకు దాడులు చేశామని హమాస్​ మీడియాకు తెలిపింది. మరోవైపు హిజ్బుల్లా సంస్థ కూడా ఇజ్రాయెల్​ పై భారీ దాడి చేస్తామని హెచ్చరించింది. దాడులు, హెచ్చరికల నేపథ్యంలో ఇజ్రాయెల్​ ప్రధాని నెతన్యాహు ఉన్నతాధికారులతో భేటీ నిర్వహించారు. దాడులను ఎదుర్కుంటూనే భూతల, ఆకాశ మార్గాన దాడులకు సిద్ధంగా ఉండాలని సూచించినట్లు సమాచారం.