ఎమర్జెన్సీ విధింపు.. రాజ్యాంగానికి వ్యతిరేకం

• ప్రజల మనోభావాలు గౌరవించని హస్తం
• పత్రికా స్వేచ్ఛను పట్టించుకోలేదు
• వ్యతిరేకించిన మహనీయులకు నివాళులు
• ప్రధానమంత్రి నరేంద్ర మోదీ

నా తెలంగాణ, న్యూ ఢిల్లీ: కాంగ్రెస్​ అధికారం నిలబెట్టుకోవడం కోసమే ఎమర్జెన్సీని విధించిందని ప్రధానమంత్రి నరేంద్ర మోదీ మండిపడ్డారు. ప్రజాస్వామ్యాన్ని కాంగ్రెస్​ ఖూనీ చేసిందన్నారు. దేశానికి, సమాజానికి వ్యతిరేకంగా ఈ నిర్ణయాన్ని అమలు చేసి ప్రజల మనోభావాలను పట్టించుకోలేదని ప్రధాని మండిపడ్డారు. ఎమర్జెన్సీని విధించి మంగళవారానికి 49యేళ్లు గడుస్తున్న సందర్భంగా మోదీ ట్వీట్​ చేశారు. ఎమర్జెన్సీని విధించిన పార్టీకి రాజ్యాంగాని గురించి చెప్పుకునే హక్కు లేదన్నారు. పత్రికా స్వేచ్ఛను సైతం రద్దు చేస్తూ ఎమర్జెనీని అమలు చేశారని పేర్కొన్నారు. ఫెడరలిజాన్ని పూర్తిగా నాశనం చేశారని మండిపడ్డారు.  చరిత్రలో జూన్​ 25 ఒక ముఖ్యమైన సంఘటనకు సాక్షిగా ప్రధాని పేర్కొన్నారు. 

ఎమర్జెనీని వ్యతిరేకించిన మహానీయులు, మహిళలకు నివాళులర్పించాలన్నారు. ప్రతీ భారతీయుడు గౌరవించే రాజ్యాంగాన్ని కాంగ్రెస్​ తుంగలో తొక్కిందని ప్రధాని మోదీ మండిపడ్డారు.