కశ్మీర్​ లో గ్రౌండ్​ రియాల్టీ భిన్నం

ఐక్యరాజ్యసమితిలో పాక్​ కు చురకలు
కాంగ్రెస్​ నేత రాజీవ్​ శుక్లా

నా తెలంగాణ, న్యూ ఢిల్లీ: ఐక్యరాజ్యసమితిలో కశ్మీర్​ అంశాన్ని పదేపదే లేవనెత్తుతున్న పాక్​ పై రాజీవ్​ శుక్లా విరుచుకుపడ్డారు. కశ్మీర్​ లో గ్రౌండ్​ రియాలిటీ పాక్​ మాటలకు పూర్తి భిన్నంగా ఉందన్నారు. జమ్మూకశ్మీర్​ అసెంబ్లీ ఎన్నికల్లో రికార్డు స్థాయిలో ఓటింగ్​ నమోదైందన్నారు. బుధవారం ఐక్యరాజ్య సమితిలో కాంగ్రెస్​ నేత రాజీవ్​ శుక్లా ప్రసంగిస్తూ పాక్​ ను నిలదీశారు. కశ్మీర్​ అంశంపై అసత్యాలు, అవాస్తవాలు వ్యాప్తి చేస్తూ పాక్​ ఏం సాధించలేదని గుర్తుంచుకోవాలన్నారు. పాక్​ బృందానికి విమర్శలే అలవాటుగా మారిపోయాయన్నారు. నిజనిజాలు అక్కరలేదన్నారు. ఫేక్​ న్యూస్​ ఎంతగా వ్యాప్తి చేసినా గ్రౌండ్​ రియాల్టీ మారదన్నారు. ఐక్యరాజ్యసమితి వేదికను విమర్శలు, ఆరోపణలు, ప్రత్యారోపణలకు ఉపయోగించుకునేకంటే నిర్మాణాత్మక ఆలోచనలకు వేదికగా వాడుకుంటే పాక్​ కు మేలని చురకలంటించారు. ఫేక్​ వార్తలకు వ్యతిరేకంగా జరుగుతున్న ప్రచారంలో యూఎన్​ కు భారత్​ మద్ధతు కొనసాగిస్తుందని రాజీవ్​ శుక్లా స్పష్టం చేశారు.