సీఐఎస్​ఎఫ్​ లో తొలి మహిళా బెటాలియన్​ ఏర్పాటు

నా తెలంగాణ, న్యూ ఢిల్లీ: ప్రధాని మోదీ నేతృత్వంలోని అన్ని రంగాల్లో మహిళలకు సమప్రాధాన్యతకు మలి అడుగు పడింది. సీఐఎస్​ ఎఫ్​ తొలి మహిళా బెటాలియన్​ కు హోం మంత్రిత్వ శాఖ ఆమోదముద్ర వేసింది. 53వ సీఐఎస్​ ఎఫ్​ దినోత్సవం సందర్భంగా కేంద్ర హోం మంత్రి ఆదేశాల మేరకు ఈ దళంలో మహిళా బెటాలియన్‌ల ఏర్పాటు ప్రతిపాదనకు అంగీకారం లభించింది. దీంతో పురుషులతో తామేమీ తక్కువ కాదని మహిళలు భద్రతా రంగంలో అడుగిడి నిరూపించుకునేందుకు మరో బృహత్తర అవకాశం లభించినట్లయ్యింది. తొలి మహిళా బెటాలియన్​ కు హోం మంత్రిత్వ శాఖ ఆమోదం తెలిపింది. దీంతో సీఐఎస్​ ఎఫ్​ లో మహిళల భర్తీ ప్ర్రక్రియకు మరింత మార్గం సుగమమైంది. జవాన్లుగా మహిళలను ఎంపిక చేయడంలో మరిన్ని సన్నాహాలు ప్రారంభించనున్నారు. అంతేగాక మహిళల కోసం ప్రత్యే క బెటాలియన్​, స్థలం, నివాసం, గృహాలు, వైద్యం వంటి తదితర ఏర్పాట్లను చేయనున్నారు. పశ్చిమాసియా, భారత దేశ చరిత్రలోనే ఇదో నూతనాధ్యాయంగా పేర్కొనవచ్చు. ఒక్కో బెటాలియన్​ లో 1025మంది మహిళా సైనికులను నియమించుకోనున్నారు. వీరు విమానాశ్రయాలు, రైల్వే సంస్థలు, దేశంలోని అన్ని విభాగాల్లోని భద్రతా విధుల్లో నియమించనున్నారు. ప్రస్తుతానికి పలు భద్రతా విధుల్లో మహిళా సైనికులున్నా బెటాలియన్​ ఏర్పాటు ఇదే తొలిసారి కావడం గమనార్హం. హోంమంత్రిత్వ శాఖ ఇచ్చిన ఉత్తర్వుల్లో సీఐఎస్​ ఎఫ్​ మహిళలకు భద్రతా విధులకు పరిమితులు విధించలేదు. అంటే ఎలాంటి చోటు, సమయం, తేదీ, వారం లాంటివి ఉన్నా వారి విధులను సక్రమంగా నిర్వహించాల్సిన కీలకమైన, కఠినమైన బాధ్యతలను అప్పగించినట్లయ్యింది. ఇప్పటికే సీఐఎస్​ ఎఫ్​ ప్రధాన కార్యాలయ నిర్మాణం, శిక్షణ, స్థల ఎంపిక తదితరాల ప్రక్రియ వేగంగా నడుస్తోంది.