పాక్​, చైనాలకు ఆస్ట్రా ఎంకె–2 దడ

నా తెలంగాణ, న్యూ ఢిల్లీ: దేశీయంగా తయారైన ఆస్ట్రా ఎంకె–2తో క్షిపణితో ఇటు పాక్​, అటు చైనాల్లోనూ కలవరపాటు మొదలైంది. యుద్ధ ప్రాంతంలో లక్ష్యాన్ని ఈ క్షిపణి అత్యంత వేగంగా గురి తప్పకుండా పరీక్షించడంలో భారత్​ పలుమార్లు విజయాన్ని సాధించింది. చివరి సారి ఈ క్షిపణిని భారత్​ పరీక్షించనుంది. ఈ పరీక్షలో విజయం సాధిస్తే ఇక భారత్​ రక్షణ రంగంలోకి ఆస్ట్రా ఎంకె–2 అడుగిడి శత్రుదేశాల్లో దడ పుట్టించనుంది. 

ఎయిర్​ టు ఎయిర్​ క్షిపణి (గాలిలో నుంచే సమర్థంగా లక్ష్యాన్ని నిర్దేశించుకొని దాడులు చేయగలదు) దీని పరిధి 130 నుంచి 160 కిలోమీటర్ల లక్ష్యాన్ని చేధించనుంది. ఇప్పటికే ఈ క్షిపణిని తేజస్​ ఫైటర్ జెట్ నుంచి పలుమార్లు ప్రయోగించి, పరీక్షించి విజయం సాధించారు. ఈ క్షిపణిని డీఆర్డీవో రూపొందించింది. 

ఇప్పటికే ఆస్ట్రా ఎంకె–1 రక్షణ రంగంలో ఉంది. ఈ క్షిపణి పనితీరుపట్ల వైమానిక దళం సంతృప్తి వ్యక్తం చేయడంతో దీనికి అడ్వాన్స్​ డ్​ సాంకేతికతను జోడిస్తూ డీఆర్డీవో ఆస్ట్రా ఎంకె–2ను రూపొందించింది. దీని బరువు 154 కిలోలు, పొడవు 12.6 అడుగులు. రక్షణ శాఖకు ఈ తరహా క్షిపణులు 200 అందజేయాలని ప్రభుత్వం సంకల్పించింది. ఈ క్షిపణి 15 కేజీల ఆయుధాలను కూడా తనతోబాటు మోసుకెళ్లగలదు. భూమి నుంచి 66 వేల అడుగుల ఎత్తులో గరిష్టంగా ఇది ప్రయాణిస్తుంది. దీని వేగం గంటకు 5556.6 కి.మీ. దీని వేగాన్ని పసిగట్టడంతో పలుమార్లు రాడార్లు కూడా విఫలం చెందడం గమనార్హం. 

ఈ ఆస్ట్రా ఎంకె–2కు మరో ప్రత్యేకత ఉంది భూతలం నుంచి లక్ష్యాన్ని నిర్దేశించి వదిలిన తరువాత గాలిలో ఉండగా కూడా దీన్ని లక్ష్యాన్ని మరోమారు మార్చే అవకాశం ఉంది. దాడికి చివరి క్షణంలో కూడా నావిగేషన్​ తో దీని దిశను మార్చుకోవచ్చు. క్షిపణి వ్యవస్థలో ఈ వ్యవస్థే అత్యంత కీలకంగా, ప్రాణాంతకంగా నిలుస్తోంది. ఈ క్షిపణిని తేజస్​, మిగ్​, సుఖోయ్​ యుద్ధ విమానాల్లో అమర్చవచ్చు
దీంతో బాటు భవిష్యత్తులో ఆస్ట్రా ఎంకె–3ని కూడా రూపొందిస్తామని డీఆర్డీవో ధీమా వ్యక్తం చేస్తోంది. దీని పరిధిని మరింత పెంచుతామని సంస్థ ఉన్నతాధికారులు స్పష్టం చేశారు. పరిధి 350 కిలోమీటర్లుగా ఉండనుందని వెల్లడించారు. 

ఈ రెండు క్షిపణుల ద్వారా శత్రువులపై దాడికి పూనుకుంటే ఇక వాని పని ఖతమే అని పలువురు రక్షణ రంగ నిపుణులు పేర్కొనడం గమనార్హం.