చైనాలో ఘోర ప్రమాదం 35 మంది మృతి
43 మందికి గాయాలు
ఎయిర్ షోపై దూసుకొచ్చిన కారు
62యేళ్ల వృద్ధుడు అరెస్ట్
అధ్యక్షుడు జిన్ పింగ్ సంతాపం
బీజింగ్: చైనాలో ఘోర ప్రమాదం చోటు చేసుకుంది. ఈ ప్రమాదంలో 35 మంది మృతి చెందగా, మరో 43 మందికి తీవ్ర గాయాలయ్యాయి. ప్రమాదానికి కారకులను కఠినంగా శిక్షించాలని అధ్యక్షుడు జిన్ పింగ్ అధికారులను ఆదేశించారు. మృతులకు సంతాపం ప్రకటించి, ప్రమాదంలో గాయపడ్డవారు వెంటనే కోలుకునేలా అత్యాధునిక వైద్య చికిత్సను అందజేయాలని ఆదేశించారు. ప్రమాదం వివరాలపై ఆరా తీశారు.
చైనా జుహై లో మంగళవారం ఎయిర్ షో కొనసాగుతుంది. ఎయిర్ షోను వీక్షించేందుకు భారీగా సందర్శకులు విచ్చేశారు. ఓ 62యేళ్ల వృద్ధుడు కారు నడుపుతుండగా అది కాస్త అదుపుతప్పి సందర్శకుల మీదకు అత్యంత వేగంగా దూసుకువచ్చింది. దీంతో భారీ ఎత్తున సందర్శకులు గాయాలపాలయ్యారు. వెంటనే స్పందించిన అధికారులు కారును, కారు డ్రైవింగ్ సీటులో ఉన్న వృద్ధుడిని అదుపులోకి తీసుకున్నారు. గాయాలపాలైన వారిని ఆసుపత్రికి తీసుకువెళ్లగా అప్పటికే 35 మంది చెందినట్లు వైద్యాధికారులు ధృవీకరించారు. ఈ ప్రమాదంలో మరిన్ని వివరాలను అధికారులు వెల్లడించలేదు.
