వరద నిర్వహణకు రూ. 2514.36 కోట్లు మంజూరు

నా తెలంగాణ, న్యూ ఢిల్లీ: దేశంలోని ఆరు ప్రధాన పట్టణాల వరద నిర్వహణ కోసం కేంద్ర ప్రభుత్వం రూ. 2514.36 కోట్లను విడుదల చేసింది. కేంద్ర హోం శాఖ మంత్రి అమిత్​ షా నేతృత్వంలో శుక్రవారం న్యూ ఢిల్లీలో నిర్వహించిన ఉన్నత స్థాయి కమిటీ నిధుల విడుదలకు ఆమోదం తెలిపింది. 
తెలంగాణ, గుజరాత్, కర్ణాటక, పశ్చిమ బెంగాల్, మహారాష్ట్రలోని 6 మెట్రోపాలిటన్ నగరాల్లో పట్టణ వరద నిర్వహణ కోసం ఈ నిధులను విడుదల చేసింది. 

ఉన్నత స్థాయి సమావేశంలో ఆర్థికశాఖ మంత్రి నిర్మలాసీతారామన్​, వ్యవసాయ శాఖ మంత్రి, నీతి ఆయోగ్​ వైస్​ చైర్మన్​ లు పాల్గొన్నారు. 
ఎన్డీఎంఎఫ్​, ఎన్డీఆర్​ఎఫ్​ జాతయ విపత్తు, ఉపశమన నిధుల కింద 9 ప్రతిపాదనలపై చర్చించింది. 

ఈ ఆర్థిక సంవత్సరంలో ఎస్​ డీఆర్​ఎఫ్​ కింద 14 రాష్ట్రాలకు రూ.6348 కోట్లు, స్టేట్ డిజాస్టర్ మిటిగేషన్ ఫండ్ (ఎస్‌డిఎంఎఫ్) కింద 6 రాష్ట్రాలకు రూ.672 కోట్లు విడుదల చేసినట్లు హోం మంత్రిత్వ శాఖ తెలిపింది. ఇది కాకుండా నేషనల్ డిజాస్టర్ రెస్పాన్స్ ఫండ్ (ఎన్‌డిఆర్‌ఎఫ్) కింద 10 రాష్ట్రాలకు రూ.4265 కోట్లు విడుదల చేసింది.