చరైడియో మోయిదమ్​ కు యూనెస్కో గుర్తింపు

నా తెలంగాణ, న్యూ ఢిల్లీ: ఒక్కొక్కటిగా ప్రధాని నరేంద్ర మోదీ భారతయుల కలలను నెరవేర్చడంలో సఫలీకృతమవుతున్నారు. అసోంలోని చరైడియో మోయిదమ్​ చారిత్రక దిబ్బకు యూనెస్కో ప్రపంచ వారసత్వ జాబితాలో చోటు లభించింది. శుక్రవారం న్యూ ఢిల్లీలోని భారత మండపంలో యూనెస్కో అధికారులు, వివిధ దేశాల నుంచి వచ్చిన ప్రతినిధులు భారత ప్రభుత్వం చేసిన విజ్ఞప్తిని పరిశీలించి ఆమోదం తెలిపారు. దీంతో మోయిదమ్​ కు 43వ ప్రపంచవారసత్వ సంపదగా గుర్తిస్తున్నట్లు యూనెస్కో ప్రకటించింది. 

మోయిదమ్​ భారత తొలి సాంస్కృత్రిక వారసత్వ సంపదగా గుర్తింపు పొందింది. ఈ నేపథ్యంలో ప్రధాని మోదీ స్వయంగా దేశంలోని పలు ప్రాంతాలను వారసత్వ కట్టడాలుగా గుర్తించాలని యూనెస్కోకు పలుమార్లు విజ్ఞప్తి చేశారు. ఇటీవలే జరిగిన ఓ సమావేశంలో కూడా ప్రధాని మోదీ మోయిదమ్​ గురించి ప్రసంగించారు. 

దీంతో ఈశాన్య ప్రాంతాల్లోని యూనెస్కో జాబితాలో చేరిన మూడో వారసత్వ కట్టడంగా ఇది గుర్తింపు పొందింది. కాజిరంగ, మానస్​ లు ఇదివరకూ యూనెస్కో గుర్తింపు లభించాయి. 

46వ యూనెస్కో వరల్డ్​ హెరిటేజ్​ కమిటీ సెషన్​ ను భారత మండపంలో ప్రధాని నరేంద్ర మోదీ ప్రారంభించారు. 

చరైడియో మోయిదమ్​..

చరైడియో మోయిదమ్​ అనేది అసోంను పాలించిన అహోం రాజవంశానికి చెందిన సభ్యుల మృత దేహాలను పాతిపెట్టే ప్రక్రియ. రాజులను వారి వారి వస్తువులతోపాటు ఈ సమాధిలో పాతి పెట్టేవారు. ప్రస్తుతం గుర్తింపు పొందిన ఈ సమాధులను  13 నుంచి 18వ శతాబ్దాలలో అహోం రాజులు నిర్మించారు. వీటిని అసోం పిరమిడ్​ లు అని కూడా అంటారు. ఇవి గడ్డి పుట్టల వలె కనిపిస్తాయి. ఈ సమాధులపై నిండా పచ్చదనంతో కూడుకున్న గడ్డి పరుచుకొని ఉంటుంది. వీటిని అసోం వాసులు అతిపవిత్రమైనవిగా భావిస్తూ పూజిస్తారు. 

యూనెస్కో గుర్తింపు లభించిన నేపథ్యంలో పలువురు ప్రధాని మోదీ కృషికి, యూనెస్కో అధికారులకు కృతజ్ఞతలు, ధన్యవాదాలు తెలిపారు.