మరో ఆలయంపై పిటిషన్​ దాఖలు

వారణాసి: వారణాసిలోని హర్తీరత్​ ప్రాంతంలో లార్డ్​ కృతి వశేశ్వర ఆలయం హిందువులదని కోర్టులో బుధవారం పిటిషన్​ దాఖలైందని. ఇక్కడ పూజలు చేసుకునేందుకు అనుమతించాలని పిటిషన్​ లో పేర్కొన్నారు. మసీదుపై సమగ్ర విచారణ జరిపి హిందువులకు కేటాయించాలని డిమాండ్​ చేశారు. వారణాసికి చెందిన నవాడా సుందర్‌పూర్ నివాసి సంతోష్ సింగ్, మాధవ్ మార్కెట్‌కు చెందిన హరిశ్చంద్ర తివారీ, బెనియా బాగ్ ప్రాంతానికి చెందిన వికాస్ కుమార్ షా లార్డ్ కృతి వశేశ్వర్ తరపున ఈ పిటిషన్​ ను దావా వేశారు. ఇందులో ఉత్తరప్రదేశ్ రాష్ట్రం, వారణాసి జిల్లా మేజిస్ట్రేట్, పోలీస్ కమీషనర్, ముస్లిం పక్షానికి చెందిన మహ్మద్ ఇస్తియాక్, హర్తీరత్ నివాసి, అతని భార్య, మహ్మద్ ఇంతియాజ్, అతని భార్య, పఠానీ తోలాకు చెందిన మహ్మద్ జహీర్, చాలా పురాతనమైన పని అయిన వశ్వేశ్వర్ మహాదేవ్ ఆలయం సేవా సమితి ప్రతివాదులుగా పేర్కొన్నారు. ఔరంగజేబు కాలంలో మందిర ప్రాంతంలో ఆలయాన్ని ధ్వంసం చేసి మసీదును నిర్మించారని పిటిషన్​ లో పేర్కొన్నారు. ఈ ఆలయం అత్యంత పురాతన, విశిష్టమైందని పేర్కొన్నారు. ఆలయాన్ని తిరిగి తమకు అప్పగించాలని హిందూ మత విశ్వాసాలను కాపాడాలని కోర్టును కోరారు. 
కొద్ది నెలల క్రితమే వారణాసి జిల్లా కోర్టు జ్ఞానవాపీ కేసులో కీలక తీర్పు వెలువరించింది. వ్యాస్ నేలమాళిగలో పూజలు చేసేందుకు అనుమతిచ్చింది. ఈ కేసు ఇంకా కొనసాగుతోంది.