బాబా బాగేశ్వర్​ ను హత్య చేస్తాం

లక్నో: యూపీ బరేలీలో బాగేశ్వర్​ ధామ్​ కు చెందిన పండిత్​ ధీరేంద్ర కృష్ణ శాస్త్రిని హత్య చేస్తామని గుర్తు తెలియని దుండగులు ఫేస్​ బుక్​ మాధ్యమంగా బెదిరింపులకు పాల్పడ్డారు. దీంతో ఆయన భక్తులు బుధవారం అమలా పోలీస్​ స్టేషన్​ ఎదుట ఆందోళనకు దిగారు. నిందితులను వెంటనే అరెస్టు చేయాలని డిమాండ్​ చేశారు. బెదిరింపుపై హిందూ సంఘాల కార్యకర్తలు తీవ్ర ఆగ్రహం వ్యక్తం చేస్తున్నారు. పోలీస్​ స్టేషన్​ లో భక్తులు, ఆయన మద్దతుదారులు ఫిర్యాదు చేశారు. కృష్ణ శాస్త్రి ఫోటోను అసభ్యంగా ఎడిట్ చేసి సోషల్ మీడియాలో వైరల్ చేశారని మండిపడ్డారు. ఆయన శిరచ్ఛేదం చేసిన ఆడియోను కూడా పొందుపరిచారని ఆగ్రహం వ్యక్తం చేశారు. ఈ వీడియోతో హిందువుల మనోభావాలు దెబ్బతిన్నాయని ఆవేదన వ్యక్తం చేశారు. వ్యక్తమవుతోంది. కాగా బెదిరింపులపై పోలీసులు ఫైజ్​ రజా అనే వ్యక్తిపై కేసు నమోదు చేశారు. బెదిరింపులకు పాల్పడ్డది ఇతనే కాదా అనేది విచారిస్తున్నారు. పోలీసులు బెదిరింపులకు పాల్పడ్డ నిందితులను అరెస్టు చేస్తామని ప్రకటించారు. అంతవరకు భక్తులు, హిందూ సంఘాలు శాంతిని పాటించాలని పోలీసులు విజ్ఞప్తి చేశారు.