కేజ్రీవాల్​ జ్యూడీషియల్​ కస్టడీ పొడిగింపు ఆగస్ట్ 27న విచారణ

నా తెలంగాణ, న్యూ ఢిల్లీ: మద్యం కుంభకోణానికి సంబంధించి కేజ్రీవాల్​ కు మరోసారి ఢిల్లీ హైకోర్టులో చుక్కెదురైంది. ఆయన బెయిల్​ పిటిషన్​ పై విచారణను వాయిదా వేసింది. జ్యూడీషియల్​ కస్టడీని ఆగస్ట్​ 27 వరకు పొడిగించింది.  మంగళవారం మద్యం కుంభకోణం, బెయిల్​ పిటిషన్​ పై హైకోర్టు విచారణ చేపట్టింది.

జ్యూడీషియల్​ కస్టడీ ముగియడంతో కేసును కోర్టు విచారించింది. వీడియో కాన్ఫరెన్స్​ ద్వారా కోర్టుముందు సీఎం కేజ్రీవాల్​ హాజరయ్యారు.  సీబీఐ దాఖలు చేసిన అనుబంధ చార్జీషీట్​ ను కోర్టు 27న పరిశీలించే అవకాశం ఉంది. కేజ్రీవాల్​ న్యాయవాది అభిషేక్​ సింఘ్వీ వాదిస్తూ మనీలాండరిం కేసులో మూడుసార్లు మధ్యంతర బెయిల్​ ను మంజూరు చేశారని గుర్తు చేశారు. రెగ్యులర్​ బెయిల్​ తోపాటు సుప్రీంకోర్టు మధ్యంతర ఉత్తర్వులను కూడా ఆయన ఉదహరించారు. పీఎంఎల్​ ఏ కింద కఠినమైన షరతులు విధించినప్పటికీ కేజ్రీవాల్​ కు బెయిల్​ మంజూరు చేయవచ్చని ఆయన కోర్టులో వాదించారు. అయినప్పటికీ కోర్టు సింఘ్వీ వాదనలతో ఏకీభవించలేదు.