పాక్​ పార్లమెంట్​ లో మూషికాల హావా

కరాచీ: అసలే ఆర్థికంగా కుదేలవుతున్న పాక్​ ను మూషిక రాజులు (ఎలుకలు) మరింత ఆర్థిక కష్టాల్లోకి నెడుతున్నాయి. దీంతో ఏం చేయాలో పాలుపోని పరిస్థితిల్లో మూషిక రాజుల వేటకు మార్జాల రాజులను (పిల్లుల)ను రంగంలోకి దింపాలని పాక్​ ప్రభుత్వం నిర్ణయించింది. 

వివరాల్లోకి వెళితే..

పాక్​ పార్లమెంట్​ లో ఎలుకలు కీలక సమాచారం ఉన్న ఫైళ్లను, కంప్యూటర్ వైర్లను ధ్వంసం చేస్తున్నాయి. ఎలుకల నివారణకు ప్రభుత్వం ఏ చర్యలు తీసుకున్నా వాటివల్ల నష్టం తగ్గడం లేదు. దీంతో పాకిస్థాన్​ క్యాపిటల్​ డెవలప్​ మెంట్​ అథారిటీ (సీడీఏ) ఎలుకల నివారణ కోసం ఏకంగా రూ. 12 లక్షలను కేటాయించింది. ఎలుకలను నివారణకు సెనేట్​ లో పిల్లులను పెంచడం ఒక్కటే మార్గమని నిపుణుల సలహాలతో పిల్లులను వదలాలను నిర్ణయించారు. మొత్తానికి పాక్​ పార్లమెంట్​ లో ఇక మూషిక రాజులే కాదు మార్జాలా రాజుల పాత్ర కూడా ఉండనుందన్నమాట అని ఈ విషయం తెలిసిన వారు నవ్వుకుంటున్నారు.