ప్రతీ మహిళకు సముచిత గౌరవం

చండీగఢ్: బీజేపీ నేతృత్వంలో దేశంలోని ప్రతీ మహిళకు సముచిత గౌరవం దక్కాలన్నదే తన అభిప్రాయమని ప్రముఖ బాలీవుడ్​ సినీనటి, హిమాచల్​ప్రదేశ్​ మండి నుంచి ఎంపికైన బీజేపీ అభ్యర్థి కంగనా రనౌత్​ అన్నారు. వృత్తిని బట్టి గానీ, మరో విషయాన్ని బట్టి గానీ వారి మర్యాద, గౌరవాలకు భంగం వాటిల్లేలా చేయొద్దని రనౌత్​ విజ్ఞప్తి చేశారు. సోమవారం కాంగ్రెస్​ నాయకురాలు సుప్రియా చేసిన వ్యాఖ్యలకు మంగళవారం చండీగఢ్​ఎయిర్​పోర్టు నుంచి వెళుతుండగా మీడియాతో సమాధానమిచ్చారు.  హిమాచల్​లోని మండి ప్రాంతాన్ని ప్రపంచవ్యాప్తంగా ఛోటా కాశీ అంటారని గొప్ప కీర్తి ఉందని తెలిపారు. ఈ స్థానం నుంచి తనకు అవకాశం లభించడం సంతోషకరమని తెలిపారు. తన 20 యేళ్ల కెరీర్​లో ఎన్నో రకాల పాత్రలు పోషించానని వివరించారు. రాణి, గూడాఛారి, దేవత, రాక్షసుడు, వేశ్య, విప్లవ నాయకురాలిగా తన వృత్తి ధర్మాన్ని పాటించానని కంగనా పేర్కొన్నారు. వృత్తి ధర్మాన్ని సరిగ్గా పాటించినంత మాత్రాన మహిళల మర్యాద, గౌరవాలు ఏ మాత్రం తగ్గబోవని తాను భావిస్తున్నట్లు కంగనా రనౌత్​కాంగ్రెస్​ నాయకురాలు సుప్రియకు గౌరవంగానే కౌంటరిచ్చారు.