సెప్టెంబర్​ 6న ‘ఎమర్జెన్సీ’

నా తెలంగాణ, న్యూ ఢిల్లీ: ఎంపీ కంగనా రౌనత్​ నటించిన ‘ఎమర్జెన్సీ’ సినిమా 2024 సెప్టెంబర్​ 6న విడుదల కానుంది. ఈ విషయాన్ని కంగనా రౌనత్​ సామాజిక మాధ్యమం ద్వారా మంగళవారం వెల్లడించింది. దీంతో ఎమర్జెన్సీ విడుదలవుతుందా? లేదా? అన్న ఉత్కంఠకు తెరదించినట్లయ్యింది. బీజేపీలో చేరిన కంగనా హిమాచల్​ ప్రదేశ్​ మండి నుంచి ఎంపీ అభ్యర్థిగా పోటీ చేసి విజయం కైవసం చేసుకుంది. అప్పటి నుంచి రాజీయాల్లోనూ క్రియాశీలకంగా కొనసాగుతోంది. సినిమాలు, ప్రజాసేవ వేరంటూ పలుమార్లు కంగనా ప్రకటించింది. ఈమె ఎంపీగా ఎన్నికయ్యాక ఎమర్జెన్సీ చిత్రంపై నీలినీడలు కమ్ముకున్నాయి. ఈ చిత్రంలో కంగనా రౌనత్​ ఇందిరాగాంధీ పాత్రను పోషించడం గమనార్హం. ఇప్పటికే ఈ సినిమా విడుదల పలుమార్లు వాయిదా పడటం పట్ల అభిమానాలు నిరాశలో ఉండగా తాజా ప్రకటనతో అభిమానుల్లో సంతోషం వ్యక్తం అవుతోంది.