రెండో విడతకు సర్వం సిద్ధం

నా తెలంగాణ, న్యూఢిల్లీ: 13 రాష్ట్రాల్లోని 88 స్థానాలకు శుక్రవారం పోలింగ్​ జరగనుంది. అత్యంత సమస్యాత్మక ప్రాంతమైన చత్తీస్​ గఢ్​ లోని గరియాబంద్​ పోలీస్​ స్టేషన్​ కు సిబ్బందిని ఎన్నికల సామాగ్రిని ఈసీ ప్రత్యేక హెలికాప్టర్​ లో తరలించింది. అక్కడ భారీ బందోబస్తు ఏర్పాటు చేసింది. గురువారానికి 88 స్థానాల పోలింగ్​ కు అంతా సిద్ధం చేసింది. అయితే వాస్తవానికి 89 స్థానాలకు పోలింగ్​ జరగాల్సిన ఉన్నా 88 స్థానాలకే నిర్వహిస్తున్నారు. మధ్యప్రదేశ్​ లోని బేతుల్​ స్థానంలో బీఎస్పీ అభ్యర్థి మృతి చెందడంతో ఇక్కడి ఎన్నికలను మే 7న నిర్వహించనున్నట్లు ఈసీ ప్రకటించింది. 
ఆయా స్థానాల్లో 2019లో బీజేపీ అత్యధికంగా 50 సీట్లు గెలుపొందగా, ఎన్డీయే మిత్రపక్షాలు 8 సీట్లు గెలుచుకున్నాయి. కాంగ్రెస్ 21 సీట్లు గెలుచుకుంది. ఇతరులకు 9 సీట్లలో విజయం లభించింది. 

ప్రస్తుతం ఎన్నికల సంఘం వెల్లడించిన వివరాల ప్రకారం రెండో దశలో 1198 మంది అభ్యర్థులు పోటీ ఉన్నారు. వీరిలో 1097 మంది పురుషులు కాగా, వంద మంది మహిళా అభ్యర్థులు ఒకరు థర్డ్​ జెండర్​ కావడం విశేషం. 

అయితే ఏడీఆర్​ అందించిన నివేదిక ప్రకారం ఎన్నికల్లో పోటీ చేయనున్న 21 శాతం మంది అంటే 250 మందిపై క్రిమినల్​ కేసులున్నాయి. అదే సమయంలో 390 మంది అభ్యర్థులు 33 శాతం మంది కోటీశ్వరులుగా పేర్కొంది. ఆరుగురి వద్ద ఆస్తులు జీరోగా, ముగ్గురి వద్ద 500 రూపాయల నుంచి వెయ్యి రూపాయలు మాత్రమే ఉండడం గమనార్హం. అంటే వీరి వద్ద మినమమ్​ బ్యాంకు బ్యాలెన్స్​ ఉంది. 

167 మంది అభ్యర్థులపై హత్య, కిడ్నాప్​ కేసులు ఉండగా, 21 మందిపై ద్వేషపూరిత ప్రసంగాల కేసులు నమోదయ్యాయి. ముగ్గురిపై హత్య కేసులు, 24 మందిపై హత్యాయత్నం కేసులు, 25 మందిపై మహిళలపై నేరాలకు సంబంధించినకేసులు నమోదయ్యాయి. 

కేరళలోని కాంగ్రెస్​ అభ్యర్థి డీఎన్​ కురియకోస్​ పై 88 క్రిమినల్​ కేసులు నమోదయ్యాయి. 

ఎన్నకల్లో హేమాహేమీలు రంగంలో ఉన్నారు. లోక్​ సభ అధ్యక్షుడు ఓమ్​ బిర్లా (కోటా), ముగ్గురు కేంద్ర మంత్రులు రాజీవ్​ చంద్రశేఖర్​ (తిరువనంతపురం), గజేంద్ర సింగ్​ షేకావత్​ (జోధ్​ పూర్​), కైలాష్​ విజయ్​ వర్గీయ్​ (బడ్మేర్​), ఒక మాజీ సీఎం భూపేష్​ బాగేల్​ (రాజ్ నంద్​ గావ్​), ముగ్గురు సినీ రంగ ప్రముఖులు హేమామాలిని (మధుర), అరుణ్​ గోవిల్​ (మేరట్​), సురేశ్​ గోపీ (త్రిసూర్​) నుంచి రంగంలో ఉన్నారు. 

అయితే అత్యంత సంపన్నులుగా రంగంలో ముగ్గురు అభ్యర్థులు ఉన్నారు. కాంగ్రెస్​ మాండ్యాకు చెందిన వెంకటరమణ రూ. 622 కోట్లు, డీకే. సురేశ్​ కాంగ్రెస్​ పార్టీ రూ. 523 కోట్లు, బీజేపీ అభ్యర్థి హేమామాలిని రూ. 278 కోట్లతో ముందు వరుసలో ఉన్నారు.