లడ్డూ వివాదం రాజకీయం చేయొద్దు సుప్రీం

నా తెలంగాణ, న్యూ ఢిల్లీ: లడ్డూ వివాదంలో దేవుడిని రాజకీయాలకు దూరంగా ఉంచాలని సుప్రీంకోర్టు వ్యాఖ్యానించింది. ఏపీ ప్రభుత్వం ఆధ్వర్యంలో తిరుపతి లడ్డూ వివాదంపై దాఖలైన పిటిషన్లపై సుప్రీం సోమవారం విచారించింది. జస్టిస్​ భూషన్​ ఆర్​ గవాయ్​, జస్టిస్​ కేవీ విశ్వనాథన్​ లతో కూడిన ధర్మాసం పిటిషన్​ పై విచారణ చేపట్టింది. సీఎం చేసిన ఆరోపణలపై సుప్రీంలో టీటీడీ సీనియర్ న్యాయవాది సిద్ధార్థ్, ఏపీ ప్రభుత్వం తరపున సీనియర్ న్యాయవాది ముకుల్ రోహత్గీలు సుప్రీంలో వాదనలు వినిపించారు. రోహిత్గీ అడిగిన ప్రశ్నకు జవాబుగా న్యాయమూర్తి గవాయ్​ మాట్లాడుతూ.. రాజ్యాంగబద్ధమైన పదవిలో ఉన్న వారు దేవుళ్లను రాజకీయాలకు దూరం ఉంచాలని ఆశిస్తున్నట్లు పేర్కొన్నారు. ప్రభుత్వం ఇప్పటికే సెట్​ విచారణకు ఆదేశించింది. ఈ విషయంపై మీడియాలో ప్రచారాలకు అవసరం ఏమిటని? ప్రశ్నించింది. గత ప్రభుత్వం తమ ప్రభుత్వంపై అవాస్తవాలతో కూడిన పిటిషన్లను వేసిందని రోహిత్గీ ఆరోపించారు.