తీరం దాటిన దానా

ప్రాణ, ఆస్తి నష్టం లేకపోవడంతో 
ఉపిరి పీల్చుకున్న అధికారులు
ముందస్తు చర్యలతో తప్పిన భారీన ముప్పు

భువనేశ్వర్​: దానా తుపాను గురువారం అర్థరాత్రి ఒడిశా తీరాన్ని తాకింది. ఉదయం శుక్రవారం ఉదయం 5 గంటల వరకు తుపాను ప్రభావం కొనసాగింది. అనంతరం కాస్త శాంతించింది. భితాకర్​ కనికా, భద్రక్​ జిల్లాలో తుపాను తీరాన్ని తాకింది. తుపాను తీరాన్ని తాకినప్పుడు 110 కి.మీ. వేగంతో గాలులు వీచాయి. ఈ గాలుల ధాటికి పలు ప్రాంతాల్లో భారీ ఎత్తున చెట్లు, విద్యుత్​ స్తంభాలు విరిగిపడ్డాయి. కేంద్ర, రాష్ర్ట ప్రభుత్వాలు అన్ని ప్రభుత్వ విభాగాల సమన్వయంతో ఎలాంటి ప్రాణనష్టం చోటు చేసుకోలేదు. ఆర్థిక నష్టాన్ని కూడా ముందస్తు చర్యలతో భారీగా నివారించగలిగారు. ఉదయం 8 గంటల వరకు దానా తుపాను తీవ్రత ఒడిశాలో 10 కి.మీ. తగ్గింది. దీంతో విమానాలు, రైళ్ల రాకపోకలను పునరుద్ధరించారు. ముందస్తు చర్యల్లో భాగంగా 5.84 లక్షల మందిని సహాయక శిబిరాలకు తరలించినట్లు సీఎం మోహన్​ చరణ్​ మాఝీ తెలిపారు. 

కొన్నిచోట్ల చెట్లు, విద్యుత్​ స్తంభాలు నేలకొరగడంతో పలు వాహనాలు ధ్వంసమయ్యాయి. దారికి అడ్డంగా చెట్లు పడిపోయాయి. తుపాను తీవ్రత తగ్గాక సహాయక బృందాలు పూర్తి స్థాయిలో రంగంలోకి దిగి రహదారులపై విరిగిపడ్డ చెట్లు, విద్యుత్​ స్తంభాలను తొలగించాయి. ఆయా విభాగాల అధికారులు విద్యుత్​ ను పునరుద్ధరించే చర్యలు తీసుకున్నారు. రాత్రి వరకు తుపాను ప్రభావిత ప్రాంతాల్లో విద్యుత్​ ను పునరుద్ధరించనున్నట్లు తెలిపారు. తుపాను ప్రభావం పశ్చిమ బెంగాల్​, ఆంధ్రప్రదేశ్​, ఝార్ఖండ్​, బిహార్​, ఛత్తీస్​ గఢ్​, తమిళనాడులో కూడా కనిపించింది. పశ్చిమ బెంగాల్​ లో 83వేల మందిని తీర ప్రాంతాల నుంచి సహాయక శిబిరాలకు తరలించారు.