సైబర్ క్రైమ్ చైనా పనే!
Cybercrime works in China!
ఉచ్చులోకి భారతీయ నిరుద్యోగులు
ఇంటలిజెన్స్, ఎన్ ఐఎ అరెస్టుల్లో కీలక విషయాలు
గోల్డెన్ ట్రయాంగిల్ రాకెట్ కుట్రలు బట్టబయలు
సైబర్ నేరాలకు అడ్డాగా లావోస్
548 మందిని రక్షించిన భారత విదేశాంగ శాఖ
కింగ్ పిన్ ముఠాలు ఇంకా క్రియాశీలకమే
నా తెలంగాణ, సెంట్రల్ డెస్క్: భారతీయ నిరుద్యోగులకు సైబర్ ఉద్యోగాల పేరుతో ఉచ్చులోకి లాగి వియత్నంలోని లావోస్ కు పంపి అక్కడ సైబర్ నేరాల్లో శిక్షణ ఇస్తూ వారి ద్వారా నేరాలు చేయిస్తూ చైనాకు చెందిన ముఠాలు ప్రయత్నిస్తున్నాయి. ఈ ముఠాల ఉచ్చులో చిక్కుకున్న, అక్రమంగా లావోస్ కు పంపుతున్న ఒక ముఠాను ఇటీవలే భారత ఇంటలిజెన్స్, ఎన్ ఐఎలు గుర్తించి పట్టుకున్నాయి. ఈ ముఠాకు భారత్ లో కీలకంగా వ్యవహరించిన కర్మన్ హైదర్ అనే నిందితుడిని అరెస్టు చేశాయి. అతనిని విచారించగా పలు విస్తుపోయే విషయాలు వెలుగులోకి వచ్చాయి.
అక్రమ దందాలకు స్వర్గధామంగా లావోస్..
ఇతన్ని విచారించగా లావోస్ లోని గోల్డెన్ ట్రయాంగిల్ రాకెట్ ను భద్రతా దళాలు చేధించాయి. హైదర్ తోపాటు అతని సహచరులు మంజూర్ ఆలం, గుడ్డు సాహిల్ పవన్ యాదవ్, అఫ్రోజ్ లతో కలిసి పనిచేస్తున్నట్లు గుర్తించారు. వీరంతా చైనాకు చెందిన పలు ముఠాలతో చేతులు కలిపి వారి ద్వారా భారత్ లో రుణాల పేరుతో అందినకాడికి దోచుకుంటున్నారు. ఇంతేగాక సైబర్ నేరాలకు తెరలేపారు. గోల్డెన్ ట్రయాంగిల్ స్పెషల్ ఎకనామిక్ జోన్, లావోస్, సైబర్ కేంద్రానికి కీలకంగా వ్యవహరిస్తుంది. ప్రపంచంలో అత్యధికంగా ఇక్కడి నుంచే సైబర్ నేరాలు జరుగుతున్నాయి. స్కామ్, మాదకద్రవ్యాల అక్రమ రవాణా వంటి నేరాలకు ఈ ప్రాంతం స్వర్గధామంగా మారింది.
చైనీయుల కుట్రలు..
చైనీస్ సిండికేట్‌లు భారత్, ప్రపంచంలోని వివిధ దేశాలలో ఈ నేరాలకు పాల్పడుతున్నాయని తేలింది. ఉద్యోగం లేని భారతీయ నిరుద్యోగులను ఉద్యోగం పేరిట ట్రాప్ చేస్తూ వారిని లావోస్ కు పంపిస్తూ అక్కడ ట్రైనింగ్ ఇచ్చి వారు సైబర్ నేరాలు చేయకుంటే వారిని ఇబ్బందులకు గురి చేస్తుంది. దీంతో వీరి ఉచ్చులో చిక్కుకున్న భారతీయులు వారు చెప్పినట్లు చేయకతప్పడం లేదు. ఈ నేరాలకన్నింటికీ చైనీయ సంస్థలే కారణమైనా భారతీయులు చేస్తున్న అంతర్జాతీయంగా భారత ప్రతిష్ఠను మసకబార్చే ప్రయత్నానికి చైనా తెరలేపిందనేది జగమెరిగిన సత్యం. ఇతపెద్ద సిండికేట్ మూలాలు లావోస్ నుంచి బయటపడుతున్నా అక్కడి అధికారులు మాత్రం దీన్ని ఆపలేకపోతున్నారు. కారణం ఈ ప్రాంతం చైనీస్ ముఠాలకు అడ్డాగా మారింది. దీనికి తోడు ఇక్కడ చట్టాల్లోని లొసుగులను ఉపయోగిస్తూ చైనీస్ సిండికేట్ లు సులభంగా తమ పనికానిచ్చేస్తున్నాయి.
భారత్ విదేశాంగ శాఖ చర్యలు.. 548 మంది వెనక్కు..
వీరి ఉచ్చులో చిక్కుకున్న భారతీయ నిరుద్యోగులను వెనక్కు రప్పించేందుకు ఇప్పటికే భారత్ అనేక చర్యలు తీసుకుంటుంది. ఒకవైపు మనకు లభించిన ఆధారాలను అంతర్జాతీయ సమాజం ముందు పెడుతూనే మరోవైపు లావోస్ లోని భారత రాయబార కార్యాలయం ఏజెన్సీతో నిరంతరం సంప్రదింపులు జరుపుతుంది. గోల్డెన్ ట్రయాంగిల్ స్పెషల్ ఎకనామిక్ జోన్ లో చైనీస్ ఉచ్చులో చిక్కుకొని సైబర్ నేరాలకు పాల్పడుతున్న 14 మంది భారతీయులను క్షేమంగా ఇక్కడకు తీసుకురాగలిగింది. ఇప్పటివరకూ వీరి ఉచ్చులో చిక్కున్న వారిలో మొత్తం 548 మందిని భారత విదేశాంగ శాఖ నిరంతర చర్చల ద్వారా సురక్షితంగా కాపాడగలిగింది. లావోస్ లో ఉద్యోగ ఆఫర్లు ఇస్తున్న వారిని ఓ కంట కనిపెడుతూనే ఆయా సంస్థల్లో భారతీయ నిరుద్యోగులు మొగ్గు చూపకుండా చర్యలు తీసుకుంటోంది.
కింగ్‌పిన్ (జిసానా కియోపింఫాను థాయ్)..
చాలా మంది భారతీయులను ప్రభావితం చేస్తున్న ఈ మొత్తం రాకెట్‌ను గోల్డెన్ ట్రయాంగిల్ ఎకనామిక్ జోన్‌లో చైనాకు చెందిన జిసానా కియోపింఫా థాయ్ (కింగ్ పిన్) త్రయం నడుపుతున్నట్లు దర్యాప్తులో తేలింది. కింగ్‌పిన్ వ్యభిచార గృహాలు, ఆన్‌లైన్ మోసాలు, మానవ అక్రమ రవాణా, జంతువుల భాగాలు, డ్రగ్స్ స్మగ్లింగ్‌ను నడుపుతున్నాడు. ఇతన్ని అరెస్టు చేసినా ఇతను సృష్టించిన గ్రూపులు యథేచ్ఛగా తమ పనులు చక్కబెడుతుంటాయి. జైలు నుంచే కింగ్ పిన్ తన రాచకార్యాలను చక్కబెడుతుంటాడు.
