భారత ప్రభుత్వ సహాయంతో భూటాన్ లో దవాఖాన నిర్మాణం

నా తెలంగాణ, ఢిల్లీ:  భారత ప్రభుత్వ నిధులతో భూటాన్ లో నిర్మించిన ‘మదర్ అండ్ చైల్డ్ ఆసుపత్రి’ని ప్రధానమంత్రి మోదీ ప్రారంభించారు. ఈ ఆసుపత్రి భూటాన్​ ప్రజలకు ఆరోగ్యకరమైన భవిష్యత్తును అందించేందుకు దోహదపడుతుందని ప్రధాని నరేంద్ర మోదీ పేర్కొన్నారు. రెండు రోజుల భూటాన్​ పర్యటనను ముగించుకొని శనివారం ఢిల్లీకి ప్రధాని మోదీ పయనమయ్యారు. మోదీకి భూటాన్ ​రాజు జిగ్మే ఖేసర్ నామ్‌గేల్ వాంగ్‌చుక్‌ వీడ్కోలు పలికేందుకు వచ్చారు. ఈ సందర్భంగా ప్రధాని మోదీ వాంగ్​చుక్​కు కృతజ్ఞతలు తెలిపారు. భూటాన్​ప్రజల ఆప్యాయత, ఇక్కడి ప్రభుత్వం ఆతిథ్యానికి కృతజ్ఞుడనని ప్రధాని మోదీ తెలిపారు.  భూటాన్​ పర్యటన చాలా ప్రత్యేకమైనదన్నారు. భారత్​–భూటాన్​ మధ్య స్నేహం మరింత బలోపేతం అవడం పట్ల ప్రధాని హర్షం వ్యక్తం చేశారు. ‘ఆర్డర్ ఆఫ్ ద డ్రక్ గ్యాల్పో’ అవార్డు దక్కడం సంతోషకరమని ప్రధాని మోదీ పేర్కొన్నారు.