అయోధ్య మసీదు నిర్మాణం.. ట్రస్ట్​ కు నిధుల కొరత!

నాలుగు కమిటీల రద్దు
ఫారిన్​ యాక్ట్​ నిధుల సేకరణ అనుమతుల ప్రక్రియ వేగవంతం చేయాలని నిర్ణయం
అనుమతి లభిస్తేనే విదేశాల ద్వారా నిధులందే అవకాశం

లక్నో: అయోధ్య మసీదు నిర్మాణానికి ట్రస్ట్​ తీవ్ర నిధుల కొరతను ఎదుర్కొంటోంది. మరోవైపు మసీదు ఏర్పాటుకు సంబంధించిన నాలుగు కమిటీలను కూడా రద్దు చేసినట్లు ఐఐసిఎఫ్ చీఫ్ ట్రస్టీ, సున్నీ సెంట్రల్ వక్ఫ్ బోర్డు ఛైర్మన్ జుఫర్ ఫరూఖీ తెలిపారు. ఫరూఖీ అధ్యక్షతనజరిగిన సమావేశంలో ఈ నిర్ణయం తీసుకున్నట్లు వెల్లడించారు. రద్దు అయిన కమిటీల్లో అడ్మినిస్ట్రేటివ్, ఫైనాన్స్, డెవలప్‌మెంట్, మసీద్ మొహమ్మద్ బిన్ అబ్దుల్లా, మీడియా అండ్ పబ్లిసిటీ కమిటీలు ఉన్నాయి. గత నాలుగేళ్లలో మసీదు ట్రస్ట్​ కేవలం కోటిరూపాయను మాత్రమే పొందగలిగింది. అయోధ్యలో మసీదు నిర్మాణ బాధ్యతలను ఇండో -ఇస్లామిక్ కల్చరల్ ఫౌండేషన్ ట్రస్ట్ చేపట్టింది. మరోవైపు నిధుల సమీకరణకు ఫారిన్ కాంట్రిబ్యూషన్ (రెగ్యులేషన్) యాక్ట్ (ఎఫ్‌సిఆర్‌ఎ) కింద అవసరమైన అనుమతులను పొందే ప్రక్రియను వేగవంతం చేయడంపై దృష్టి సారించింది. ఈ అనుమతులు లభిస్తేనే విదేశాల నుంచి విరాళాలు పోగు చేయగలదు.