మోదీ అంటే పాక్ కు దడ
కేంద్ర హోంశాఖ మంత్రి అమిత్ షా
శ్రీనగర్: 90వ దశకంలో జమ్మూకశ్మీర్ లో పరిస్థితులు ఏ విధంగా ఉండేవే తనకంటే బాగా ఇక్కడి ప్రజానీకానికే తెలుసని కేంద్ర హోంశాఖ మంత్రి అమిత్ షా అన్నారు. ప్రస్తుతం పాక్ ఆర్థిక ఇబ్బందులతో తీవ్ర అగాధంలోకి వెళ్లిపోయిందని మోదీ అంటేనే జడుసుకుంటుందని అమిత్ షా తెలిపారు.
శనివారం జమ్మూకశ్మీర్ లో రెండో దశ ఎన్నికల సందర్భంగా మెంధార్ లో బీజేపీ బహిరంగ సభలో పాల్గొని ప్రసంగించారు. రిజర్వేషన్లు అంతం చేస్తామని, ఆర్టికల్ ను 370ని పునరుద్ధరిస్తామని కాంగ్రెస్, ఎన్సీలు కలిసి మళ్లీ రాష్ర్టాన్ని అగాధంలోకి నెట్టే ప్రయత్నాలను ప్రతీ ఒక్కరూ గమనించాలన్నారు. ఈ రెండు పార్టీలు ఉగ్రవాదులు, రాళ్లదాడులు, హింస వైపు రాష్ర్టాన్ని తీసుకువెళ్లాలనుకుంటున్నాయని ఆగ్రహం వ్యక్తం చేశారు. వీరి వ్యాఖ్యలనే గాకుండా ఈ రెండు పార్టీలను రాష్ర్టంలో నామరూపాల్లేకుండా చేయాలని ప్రజలకు పిలుపునిచ్చారు. గుర్జర్ బకర్వాల్, పహారీలకు పదోన్నతులలో మోదీ నేతృత్వంలోని రిజర్వేషన్లు కల్పిస్తామని హామీ ఇచ్చారు. వీరి ప్రభుత్వ హయాంలో పక్కదేశంతో కూడా భయపడేవారని వీరు రాష్ర్టానికి ఏం చేశారని ప్రశ్నించారు. ఎప్పుడూ హింసాయుత్మకంగానే రాష్ర్టం ఉండేదన్నారు. కానీ తామొచ్చాక ఈ ప్రాంత ప్రయోజనాలను దృష్టిలో పెట్టుకొని శత్రువులకు మనమంటే భయపడేలా రుచి చూపించామన్నారు. రెండోవిడత ఎన్నికల్లో అత్యధిక ఓటర్లు పాల్గొని బీజేపీకి సంపూర్ణ మద్ధతు తెలపాలని తద్వారా రాష్ర్ట అభివృద్ధిని కాంక్షించాలని షా పిలుపునిచ్చారు.
