ఎన్​ సీసీ క్యాడెట్లు బాధ్యతాయుతంగా మెలగాలి

నా తెలంగాణ: సంగారెడ్డి టౌన్: ఎన్​ సీసీ క్యాడెట్లు క్రమశిక్షణ, దేశానికి బాధ్యతాయుత పౌరులుగా మెలగాలని ఎన్​ సీసీ గ్రూప్​ కమాండర్​ కల్నల్​ సునీల్​ అబ్రహం అన్నారు. కల్నల్​ సునీల్ అబ్రహం​ కందిలోని ఐఐటీ హైదరాబాద్​ ను శుక్రవారం సందర్శించారు. ఈ సందర్భంగా కల్నల్ ను 33వ తెలంగాణ బెటాలియన్​ లెఫ్ట్​ నెంట్​ కల్నల్​ రమేష్​ సారియల్​ స్వాగతం పలికారు.

కల్నల్​ సునీల్​ ఐఐటీ డైరెక్టర్​ బీఎస్​.మూర్తిని కలిసి ఎన్​ సీసీకి సంబంధించిన సమస్యలను చర్చించారు. ఈ సందర్భంగా కల్నల్​ సునీల్​ కు ఎన్​ సీసీ క్యాడెట్లు ‘గార్డ్​ ఆఫ్​ హానర్​’ను ప్రదానం చేశారు. అనంతరం ఐఐటీలో స్పోర్ట్స్​ కాంప్లెక్స్​ లో ఎన్​ సీసీ కార్యాలయాన్ని కల్నల్​ ప్రారంభించారు. అనంతరం క్యాడెట్లను ఉద్దేశించి ప్రసంగించారు.

ఎన్​ సీసీ క్యాడెట్ల ప్రవర్తన దేశానికి దిక్సూచిగా ఉండేలా ఉండాలన్నారు. ధర్మబద్ధంగా, విధేయతతో కూడిన ప్రవర్తన ప్రతీ ఒక్కరూ అలవర్చుకోవాలన్నారు. అదే సమయంలో ప్రతీ ఒక్కరూ నీతి నిజాయితీతో కూడిన బాధ్యతాయుత భారతదేశ పౌరుడిలా మెసలు కోవాలన్నారు. సమాజ సేవలో ఎప్పుడు ఎన్​ సీసీ క్యాడెట్లు ముందువరుసలో ఉండాలని కల్నల్​ సునీల్​ అబ్రహం క్యాడెట్లకు సూచించారు.