1621 కేసుల రాజీ.. జిల్లాకు తృతీయ స్థానం
సంగారెడ్డి జిల్లా ఎస్పీ చెన్నూరి రూపేష్
నా తెలంగాణ, సంగారెడ్డి టౌన్: జాతీయ మెగా లోక్-అదాలత్ లో 1621 కేసులు రాజీ కుదిరాయని జిల్లాకు తృతీయ స్థానం లభించిందని సంగారెడ్డి జిల్లా ఎస్పీ చెన్నూరి రూపేష్ తెలిపారు. సోమవారం ఎస్పీ రూపేష్ మీడియాకు వివరాలందించారు. 570 ఐపీసీ, 140 - సైబర్ క్రైమ్, ఈ–-పెట్టి -911 కేసులున్నాయన్నారు.
సైబర్ నేరగాళ్ల చేతిలో కోల్పోయిన డబ్బు రూ. 1.91 కోట్ల రూపాయలను తిరిగి సైబర్ బాధితులకు అందజేశామన్నారు. జాతీయ మెగా లోక్-అదాలత్ ను విజయవంతం చేసిన అధికారులను, సిబ్బందిని జిల్లా ఎస్పీ అభినందించారు. సెప్టెంబర్ 14 నుంచి 18 వరకు జరిగిన జాతీయ మెగా లోక్-అదాలత్ ను పురస్కరించుకొని, జిల్లా వ్యాప్తంగా రాజీ పడేందుకు అవకాశం ఉన్న చాలా కాలంగా పెండింగ్ లో ఉన్న, 1621 కేసులలో ఇరు వర్గాలు రాజీ పడ్డారని తెలిపారు. లోక్-అదాలత్ లో భాగంగా సైబర్ క్రైమ్ రీఫండ్ క్షణికావేశంలో చేసే తప్పులను సరిదిద్దుకోవాడానికి లోక్-అదాలత్ అనేది ఒక మంచి అవకాశమని తెలిపారు. గొడవలకు పోయి జీవితాలను ఇబ్బందులపాలు చేసుకోకూడదని అన్నారు.
సైబర్ కేసుల్లో తెలంగాణ రాష్ట్ర సైబర్ సెక్యూరిటీ బ్యూరో డైరెక్టర్ శిఖాగోయల్ ఆధ్వర్యంలో పర్యవేక్షిస్తున్నారని తెలిపారు. సైబర్ నేరాలకు గురైతే 1930కి కాల్ చేయాలని తెలిపారు. ఈ సందర్భంగా జాతీయ మెగా లోక్-అదాలత్ ను విజయవంతం చేసిన అధికారులను, సిబ్బందిని ఎస్పీ చెన్నూరి రూపేష్ అభినందించారు.
