పాక్ సరిహద్దుకు చైనా ఆర్మీ పహారా!
కరోనాతో పరువు పాయే.. భారత్ నే నమ్ముతున్న ప్రపంచదేశాలు కార్యకలాపాల విస్తృతంపై భారత్ ప్రతిచర్యలు?
నా తెలంగాణ, న్యూ ఢిల్లీ: ‘ఆడలేక మద్దెల దెరువు’ అన్నట్లు చైనా పాక్ వెంట కలిసి కుయుక్తులకు దిగుతోంది. ఈ విషయాలు పలుమార్లు బహిర్గతమయ్యాయి. పాక్ డ్రోన్లు, ఆయుధాలు చైనావే అని తేలింది. అదీ చాలదన్నట్లు పాక్ సరిహద్దు వెంట చైనా సైనికులు పహారా కాస్తున్నారు. ఇప్పటికే కరోనా కాలం నుంచి చైనా అనేక రకాల ఆరోపణలు ఎదుర్కొంటూ ప్రపంచదేశాల నమ్మకాన్ని, విశ్వాసాన్ని పూర్తిగా నట్టేట ముంచుకుంది. దీంతో మోదీ చర్యలతో భారత్ ను ప్రపంచదేశాలు పూర్తిగా విశ్వసిస్తున్నాయి. ఈ పరిణామాలు చైనా–పాక్ లకు రుచించడం లేదు.
చైనా సైనికులు పహారా కాస్తుండడంపై భారత్ కూడా అప్రమత్తంగానే ఉంది. సరిహద్దు వెంట ఎలాంటి పరిస్థితులనైనా ఎదుర్కొనేందుకు సిద్ధంగా ఉంది.
ఎల్ వోసీ లో ఉక్కు బంకర్ల నిర్మాణం, మానవరహిత విమానాలు, యుద్ధవిమానాల ఏర్పాటులో చైనా కీలకంగా వ్యవహరిస్తోందని బుధవారం భారత్ అధికారులు తెలిపారు. చైనా–పాక్ కారిడార్ పీవోకే ద్వారానే నిర్మిస్తుంది. ఇప్పటికే ఈ కారిడార్ ను వ్యతిరేకిస్తూ పలు దాడులు జరిగి చైనా కార్మికులు, అధికారులు అనేక మందిని ఉగ్రవాదులు పొట్టన పెట్టుకున్నారు.
గతంలో గిల్గిత్, బాల్టిస్థాన్ లో చైనా కార్యకలాపాలపై భారత్ ఆందోళన కూడా వ్యక్తం చేసింది. ప్రస్తుతం ఇదే ప్రాంతంలో చైనా కార్యకలాపాలను విస్తృతం చేయాలని భావిస్తోంది.
అంతర్జాతీయంగా ఈ పరిణామాలను ఎదుర్కొనేందుకు భారత్ కూడా పలు వ్యూహాత్మక చర్యలకు దిగబోతున్నట్లు అధికారులు తెలిపారు. అయితే ఆ చర్యలేంటన్నది మాత్రం వెల్లడించలేదు.
