యూపీలో ఘోర రోడ్డు ప్రమాదం 10మంది మృతి

పాట్నా: యూపీలోని హర్దోయ్​ లో ఘోర రోడ్డు ప్రమాదం జరిగింది. ఆటోను డీసీఎం ఢీ కొట్టడంతో 10మంది మృతి చెందగా, ఆరుగురికి తీవ్ర గాయాలయ్యాయి. బుధవారం బిల్​ గ్రామ్​ పోలీస్​ స్టేషన్​ పరిధిలోని కత్రా బిల్హౌర్​ హైవేపై రోషన్​ పూర్​ గ్రామ సమీపంలో ఆటో, డీసీఎం ఢీకొనడంతో ఈ ప్రమాదం జరిగిందని హర్దోయ్ సూపరింటెండెంట్ ఆఫ్ పోలీస్ (ఎస్పీ) నీరజ్ కుమార్ జాదౌన్ తెలిపారు. టూవీలర్​ ను తప్పించేందుకు ప్రయత్నించగా ఈ ప్రమాదం చోటు చేసుకుందని ప్రత్యక్ష సాక్షులు తెలిపారు. గాయాలైన వారిని స్థానిక ఆసుపత్రిలో చికిత్సనందింప చేస్తున్నామని చెప్పారు. మృతుల్లో ఆరుగురు మహిళలు, ముగ్గురు చిన్నారులు, మరొక పురుషుడు ఉన్నట్లు ఎస్పీ తెలిపారు. ఈ ప్రమాదంలో వాహనాలను సీజ్​ చేశామన్నారు. ప్రమాద వివరాలపై కేసు నమోదు చేసి దర్యాప్తు చేపట్టామన్నారు.