కచ్చతీవుపై చిదంబరం వ్యాఖ్యలు
కేంద్రమంత్రి హర్దీప్ పూరి విమర్శలు
ఢిల్లీ: కచ్చతీవుపై ప్రధాని వ్యాఖ్యలపై మాజీ ఆర్థిక శాఖ మంత్రి చిదంబరం చేసిన ప్రకటనను కేంద్రమంత్రి హర్దీప్సింగ్పూరి విమర్శించారు. బుధవారం పూరి మీడియాతో మాట్లాడారు. ఈ ద్వీపంపై ఇరుదేశాలకు హక్కులు ఉండేవని చారిత్రక ఆధారాలను బట్టి తెలుస్తోందన్నారు. అయితే వీటిని అప్పటి ప్రధానులు జవహర్లాల్ నెహ్రూ, ఇందిరాగాంధీలు శ్రీలంకకు ఇవ్వాలని నిర్ణయించుకున్నారని మండిపడ్డారు. ఆ సమయంలో మాజీ దౌత్యవేత్త కేవల్సింగ్ మద్రాస్ వెళ్లి అప్పటి సీఎంతో సమావేశమయ్యారని పేర్కొన్నారు. వీరంతా కొన్ని సూత్రాలపై అంగీకారం తెలిపారని పేర్కొన్నారు. దీని కారణంగానే భారత్కు కూడా దక్కాల్సిన ఈ ద్వీపం కాస్త శ్రీలంకకు దక్కిందన్నారు. అయితే అంతర్గతంగా ఈ ద్వీపానికి సంబంధించి అప్పట్లో చేసుకున్న ఒప్పందంలో అనేక లొసుగులున్నాయని హర్దీప్ పూరి స్పష్టం చేశారు. ఈ విషయాలన్నీ పూర్తి ఆధారాలను సమీక్షించాకే భారత విదేశాంగ మంత్రి ఎస్. జై శంకర్ వాస్తవాలు, రికార్డులతోనే చెప్పారని తెలిపారు. చిందబరం సమస్యను పూర్తిగా ఔపోసన పట్టనట్లుగా ఉందని పూరి ఎద్దేవా చేశారు.
