గేమింగ్​ జోన్​ లో ప్రమాదం యాజమాని మృతి

గాంధీనగర్​: రాజ్​ కోట్​ గేమింగ్​ జోన్​ లో జరిగిన అగ్నిప్రమాదంలో యజమాని ప్రకాశ్​ హీరాన్​ జైన్​ కూడా మరణించినట్లు పోలీసులు బుధవారం వెల్లడించారు. ఘటనా స్థలం నుంచి స్వాధీనం చేసుకున్న మృతదేహాలను వారి వారి కుటుంబ సభ్యుల డీఎన్​ ఏలతో పోల్చి మృతులను నిర్ధరిస్తున్నారు. ఈ విషయంలో ప్రకాశ్​ జైన్​ మృతి చెందినట్లు ధృవీకరించారు. జైన్​ తల్లి విమాలా దేవి డీఎన్​ ఏతో మృతదేహం డీఏఎన్​ నమూనా సరిపోలినట్లు పోలీసులు పేర్కొన్నారు. ప్రకాశ్​ జైన్​ రాజస్థాన్​ కు చెందినవాడన్నారు. నాలుగైదేళ్లుగా రాజ్​ కోట్​ లో నివసిస్తున్నాడని తెలిపారు. గేమింగ్​ జోన్​ లో రూ. 3 కోట్లు పెట్టుబడి పెట్టాడని ఇతనికి 60 శాతం వాటా ఉందని పోలీసులు తెలిపారు. మరోవైపు ఈ ప్రమాదంలో ఆరుగురు నిందితులలో నాలుగో నిందితుడు ధవల్​ థక్కర్​ ను అదుపులోకి తీసుకున్నట్లు తెలిపారు. ప్రమాదానికి కారకులైన యువరాజ్​ సింగ్​ సోలంకి, నితిన్​ జైన్​, రాహుల్​ రాథోడ్​ లను పోలీసులు గతంలోనే అరెస్టు చేశారు. ఈ ప్రమాదంలో 12 మంది చిన్నారులతో సహా 30 మంది మృతి చెందారు. కాగా బుధవారం వరకు 25 మృతదేహాల డీఎన్​ ఏ పరీక్షలు పూర్తి అయినట్లు పోలీసులు తెలిపారు.