దేశాభివృద్ధిలో యువతదే కీలక పాత్ర

అహ్మాదాబాద్​: దేశాభివృద్ధి కలల సాకారానికి యువత ప్రముఖ పాత్ర పోషిస్తుందని కేంద్ర హోంశాఖ మంత్రి అమిత్​ షా అన్నారు. అహ్మాదాబాద్​ విరాట్​ నగర్​ లో మున్సిపల్​ కార్పొరేషన్​ ఆధ్వర్యంలో మంగళవారం నిర్వహించిన తిరంగా యాత్రను జెండా ఊపీ ప్రారంభించారు. అనంతరం మంత్రి అమిత్​ షా మాట్లాడుతూ.. తిరంగ యాత్ర దేశ భక్తికి నిదర్శనమన్నారు. 2047 నాటికి అభివృద్ధి దిశగా పయనింప చేసేందుకు నిబద్ధతో పనిచేస్తున్నామని తెలిపారు. తిరంగ యాత్ర ద్వారా దేశాన్ని ఏకం చేయడమే ప్రధాని నరేంద్ర మోదీ ఉద్దేశ్యమన్నారు. ఈ యాత్రలో ప్రతీ ఒక్కరూ పాల్గొనాలని, హర్​ ఘర్​ తిరంగలో ప్రతీ ఒక్కరూ భాగస్వాములు కావాలని అమిత్​ షా కోరారు. కార్యాలయాలు, ఇళ్లు ప్రతీ చోట దేశ మువ్వన్నెలను రెపరెపలాడించాలని అమిత్​ షా విజ్ఞప్తి చేశారు. 

ఈ కార్యక్రమంలో కేంద్రమంత్రితోపాటు సీఎం భూపేంద్ర పటేల్​, ఆరోగ్య శాఖ మంత్రి రిషికేష్​ పటేల్​, పెద్ద సంఖ్యలో స్థానిక నాయకులు, కార్యకర్తలు,ప్రజలు పాల్గొన్నారు.