గిరిజనుల అభివృద్ధికి కేంద్ర ప్రభుత్వం కృషి

భువనేశ్వర్​: దేశంలోని గిరిజనుల సర్వతోముఖాభివృద్ధిపై కేంద్ర ప్రభుత్వ దృష్టి సారిస్తోందని రాష్ర్టపతి ద్రౌపది ముర్మూ తెలిపారు. శనివారం ఒడిశాలోని మూడు రైల్వే లైన్​ ప్రాజెక్టులకు రాష్ర్టపతి ముర్మూ శంకుస్థాపన చేశారు. 

ఉత్తర ఒడిశాలో కెందుఝర్, మయూర్‌భంజ్ జిల్లాలను కలుపుతూ రూ. 6,294 కోట్లతో మూడు రైల్వే ప్రాజెక్టులతో సహా వివిధ ప్రాజెక్టులకు ముర్మూ శంకుస్థాపన చేశారు.రాయరంగ్‌పూర్‌లో దండ్‌బోస్ ఎయిర్‌స్ట్రిప్‌ను అప్‌గ్రేడ్ చేయడానికి ట్రైబల్ రీసెర్చ్ అండ్ డెవలప్‌మెంట్ సెంటర్, 52.4 కోట్ల రూపాయలతో 100 పడకల ఆసుపత్రి, అభివృద్ధి ప్రాజెక్ట్‌లను ప్రారంభించారు. 

కొత్త రైల్వే లైన్లు బంగ్రిపోసి నుంచి గోరుమహిసాని, బాదంపహాడ్ నుంచి కెందుజార్‌ఘర్, బుడమరా నుంచి చకులియా వరకు ఉన్నాయి. కొత్త రైలు మార్గాలు కనెక్టివిటీని బాగా పెంచుతాయని, ఆర్థిక వృద్ధిని ఉత్తేజపరిచేందుకు, ఈ ప్రాంతంలో జీవన ప్రమాణాలను మెరుగుపరచనున్నాయి. 

ప్రధాని నరేంద్ర మోదీ అధ్యక్షతన జరిగిన ఆర్థిక వ్యవహారాల కేబినెట్ కమిటీ ఇటీవలే రైలు ప్రాజెక్టులకు ఆమోదం తెలిపింది. శంకుస్థాపన  కార్యక్రమంలో ఒడిశా ముఖ్యమంత్రి మోహన్ చరణ్ మాఝీ, కేంద్ర రైల్వే శాఖ మంత్రి అశ్విని వైష్ణవ్​, కేంద్ర గిరిజన వ్యవహారాల శాఖ మంత్రి జువల్ ఓరం తదితరులు పాల్గొన్నారు.