బిహార్​లో రిజర్వేషన్లు రద్దు

పాట్నా: బిహార్​ లో 65 శాతం రిజర్వేషన్లు రాజ్యాంగ విరుద్ధమని పాట్నా హైకోర్టు ప్రకటించింది. గురువారం రిజర్వేషన్ల పిటిషన్​ పై హైకోర్టులో విచారణ జరిగింది. ఎస్సీ, ఎస్టీ, వెనుకబడిన వర్గాలు, బీసీలకు రిజర్వేషన్లు పాత పద్ధతిలోనే 50 శాతం అమలు చేయాలని ప్రభుత్వాన్ని ఆదేశించింది. 65 శాతం రిజర్వేషన్లపై గౌరవ్​ కుమార్​, ఇతరులు పాట్నాలో హైకోర్టులో పిటిషన్​ దాఖలు చేశారు. దీనిపై సుధీర్ఘ విచారణ కొనసాగించిన చీఫ్​ జస్టిస్​ కేవీ చంద్రన్​ బెంచ్​ 65 శాతం రిజర్వేషన్లను రద్దు చేస్తూ తీర్పునిచ్చింది. 

రిజర్వేషన్లను పెంచుతూ బిహార్​ ప్రభుత్వం 2023లో గెజిట్​ ను విడుదల చేసింది. 65 శాతంతోపాటు ఆర్థికంగా వెనుకబడిన వర్గాలకు 10 శాతం రిజర్వేషన్లతో కలుపుకుంటే మొత్తం 75 శాతం రిజర్వేషన్లు కల్పించినట్లవుతుందని ప్రభుత్వం భావించింది.