కేజ్రీవాల్​ కు మూడురోజుల సీబీఐ రిమాండ్​

నా తెలంగాణ, న్యూ ఢిల్లీ: మద్యం కుంభకోణం, మనీలాండరింగ్​ కేసు సీఎం కేజ్రీవాల్​ మెడకు ఉచ్చులా బిగుసుకుంటున్నాయి. బుధవారం ఈ కేసులో సీబీఐ ఆయన్ను అరెస్టు చేసింది. ఢిల్లీ హైకోర్టు బెయిల్​ పై ఇచ్చిన స్టేను సుప్రీంలో సవాల్​ చేద్దామనుకున్న సమయంలో కేజ్రీవాల్​ కు మళ్లీ చుక్కెదురయ్యింది. రౌస్​ అవెన్యూ కోర్టుకు సీబీఐ అరెస్టుకు కావాల్సిన పత్రాలను సమర్పించింది. ఈ నేపథ్యంలో అరెస్టు చేసింది. సీబీఐ ఆయన్ను విచారించేందుకు ఐదు రోజుల కస్టడీకి ఇవ్వాలని కోర్టును కోరింది. రాత్రి ఏడు గంటలకు మూడు రోజుల సీబీఐ కస్టడీ విధించింది. 

సునీతా కేజ్రీవాల్​..

కాగా సీబీఐ అరెస్టు.. రిమాండ్​ పై సీఎం సతీమణి సునీతా కేజ్రీవాల్​ ఆగ్రహం వ్యక్తం చేశారు. సీఎంను బయటకు రాకుండా కుట్రలు పన్నుతున్నారని ఆరోపించారు. అందుకే బెయిల్​ వచ్చిన సమయంలో అడ్డుకుంటున్నారని ఆరోపించారు.