ప్యారిస్–ముంబై విమానానికి బాంబు బెదిరింపు
ఉత్తదేనని తేల్చిన అధికారులు విదేశాల నుంచే వరుస బెదిరింపులు
ముంబై: ప్యారిస్ నుంచి ముంబైకి వస్తున్న విస్తారా విమానానికి బాంబు బెదిరింపు వచ్చింది. దీంతో అలర్ట్ అయిన ముంబై ఏయిర్ పోర్ట్ అధికారులు హై అలర్ట్ విధించారు. ఆదివారం ఉదయం విమానం ఉదయం పదిగంటలకు యూకె–024 విమానం ల్యాండ్ అయ్యింది. వెంటనే 12 మంది సిబ్బంది 294 మంది ప్రయాణికులను క్షేమంగా కిందకు దింపారు. విమానాన్ని ఐసోలేషన్ లోకి తరలించి బాంబు స్క్వాడ్ తనిఖీలు చేపట్టారు. విమానంలో ఎలాంటి బాంబు లేదని నిర్ధరించారు. ఇటీవల వరుసగా విమానాల్లో బాంబు బెదిరింపులు వస్తున్నాయి. ఈ బాంబు బెదిరింపు ఐదవదని కేంద్ర నిఘా వర్గాలు గుర్తించాయి. అన్ని బెదిరింపు కాల్స్ విదేశాల నుంచి వస్తున్నట్లు గుర్తించారు.
