రెపోరేటు యథాతథం

నా తెలంగాణ, న్యూ ఢిల్లీ: తొమ్మిదోసారి రెపోరేటును 6.50 శాతం వద్దే ఉంచాలని ఆర్బీఐ నిర్ణయించింది. అదే సమయంలో జీడీపీ వృద్ధి రేటును 7.2 శాతంగా అంచనా వేసింది. ఆర్బీఐ గవర్నర్​ శక్తికాంత దాస్​ నేతృత్వంలో గురువారం జరిగిన ద్రవ్య విధాన కమిటీ (ఎంపీసీ) సమావేశం నిర్వహించారు. ఈ సమావేశంలో రెపోరేటును యథాతథంగా ఉంచాలని కమిటీ నిర్ణయించినట్లు పేర్కొన్నారు. దీంతో రుణాల ఈఎంఐలలో ఎలాంటి మార్పు చేర్పులు చేయలేదు. 

ఎంపీసీ సమావేశంలో ఆరుగురు సభ్యుల్లో నలుగురు సభ్యులు రెపోరేటును యథాతథంగా ఉంచాలని నిర్ణయించారని గవర్నర్​ శక్తికాంతదాస్​ తెలిపారు. ఇది ద్రవ్యోల్బణాన్ని స్థిరమైన స్థాయికి తీసుకురావడం, అనిశ్చిత మధ్య ఆర్థిక వృద్ధిని వేగవంతం చేస్తుందని భావిస్తున్నట్లు తెలిపారు. 2024–25లో ద్రవ్యోల్బణం 7.2 శాతం వద్దే సెంట్రల్ బ్యాంక్​ ఉంచిందన్నారు. రిటైల్​ ద్రవ్యోల్బణంలో ప్రస్తుత ఆర్థిక సంవత్సరంలో 4.5 శాతంగా అంచనా వేశామన్నారు.