బిట్​ కాయిన్​ మోసం నటి శిల్పా, భర్త రాజ్​ కుంద్రా ఆస్తుల జప్తు

న్యూఢిల్లీ: మనీటాండరింగ్​ కేసులో ప్రముఖ నటీ శిల్పాశెట్టి, ఆమె భర్త రాజ్​ కుంద్రాకు చెందిన రూ. 98 కోట్ల ఆస్తులను ఈడీ జప్తు చేసినట్లు పేర్కొంది. ఇందో నటికి చెందిన ఫ్లాట్​, నివాస భవనం, ఆమె భర్త రాజ్​ కుంద్రా పేరిట ఉన్న షేర్లు కూడా ఉన్నట్లు గురువారం వెల్లడించింది. 2002లో బిట్​ కాయిన్​ కు సంబంధించి భారీ స్కామ్​ జరిగింది. ఈ కేసులో బిట్​ కాయిన్ల పేరుతో ప్రజల నుంచి పలువురు ప్రముఖులు రూ.6600 కోట్లు వసూలు చేసి మోసం చేశారు. నిందితులు అమిత్ భరద్వాజ్​, అజయ్​ భరద్వాజ్​, వివేక్​ భరద్వాజ్​, సింపి భరద్వాజ్​, మహేంద్ర భరద్వాజ్​ ఇతరులపై ఎఫ్​ ఐఆర్​ నమోదు చేసి పలు రాష్ర్టాల పోలీసులు, ఈడీ దర్యాప్తు ప్రారంభించింది. 

2017లోనే రూ. 6600 కోట్లు సేకరించిన వీరు ప్రతీ నెలా 10 శాతం రిటర్న్​ ఇస్తామని ఒప్పందం చేసుకున్నారు. కానీ దీని ప్రకారం రిటర్న్​ తిరిగి ఇవ్వలేదు. దీంతో పెట్టుబడిదారులంతా మోసపోయామని గ్రహించి పలుమార్లు ఫిర్యాదులు చేశారు. సేకరించిన మొత్తాన్ని నిందితులు బిట్​ కాయిన్ల రూపంలో వాలెట్లలో దాచారు. శిల్పాశెట్టి, ఆమె భర్త అమిత్​ భరద్వాజ్​ ద్వారా 285 బిట్​ కాయిన్​ లను అందుకున్నారని ఈడీ నిర్ధారించింది. దాని విలువ ప్రస్తుత మార్కెట్​ ప్రకారం 150 కోట్ల రూపాయలుంటుందన్నారు.  గతంలో కూడా ఇదే కేసులో నిందితులకు సంబంధించిన పలు ఆస్తులను ఈడీ జప్తు చేసింది. 

రాజ్​ కుంద్రా గతంలో అశ్లీలానికి సంబంధించిన కేసులో ఇరుక్కొని జైలు పాలయ్యాడు. రెండు నెలల తరువాత బెయిల్​ పై బయటికి వచ్చిన విషయం తెలిసిందే.