విశ్వాసం కోల్పోయిన కాంగ్రెస్​

డెహ్రాడూన్​: హిమాచల్​ రాజకీయాలపై కేంద్రమంత్రి అనురాగ్​ ఠాకూర్​ స్పందించారు. కాంగ్రెస్​ పై మండిపడ్డారు. సొంత పార్టీ అభ్యర్థులను అదుపులో పెట్టుకోలేని చరిత్ర కాంగ్రెస్​ పార్టీకి ఉందన్నారు. హిమాచల్​ రాజకీయాల్లో తీవ్ర పరిణామాలపై బుధవారం కేంద్రమంత్రి అనురాగ్​ ఠాకూర్​ మీడియాతో మాట్లాడారు. కాంగ్రెస్​ ఎమ్మెల్యేలు ప్రభుత్వంపై పూర్తి విశ్వాసాన్ని కోల్పోయారని పేర్కొన్నారు. తప్పు డు హామీలు, వాగ్ధానాలు  ఇస్తూ ప్రజా సమస్యలను పక్కకు నెడితే ఉత్పన్నం అయ్యే పరిణామాలు ఇలాగే ఉంటాయన్నారు. అధికారాన్ని ఇచ్చిన ప్రజల వద్దకు కాంగ్రెస్​ ప్రభుత్వం ఎప్పుడూ వెళ్లిన పాపాన పోలేదన్నారు. వారి నాయకత్వాన్ని బలపర్చుకోలేదన్నారు. కాగా వీరభద్ర సింగ్​ కాంగ్రెస్​ కు రాజీనామా చేసి బీజేపీలో చేరనున్నారా? అనే ప్రశ్నకు మంత్రి అనురాగ్​ సింగ్​ ఠాకూర్​ కాలమే సమాధానం చెబుతుందన్నారు. రాష్ట్ర అసెంబ్లీలోని 68 సీట్లలో కాంగ్రెస్‌కు 40, బీజేపీకి 25 ఉన్నాయి. మిగిలిన మూడు స్థానాల్లో స్వతంత్రులు ఉన్నారు.