మోదీ మరో నినాదం.. మేక్​ ఫర్​ ది వరల్డ్​ 

నా తెలంగాణ, న్యూ ఢిల్లీ: 'మేక్ ఇన్ ఇండియా, మేక్ ఫర్ ది వరల్డ్' విజన్‌ని సాకారం చేసేందుకు రక్షణ రంగ దిగ్గజం లాక్‌హీడ్ మార్టిన్ నిబద్ధతను ప్రధాని నరేంద్ర మోదీ ప్రశంసించారు. లాక్‌హీడ్ మార్టిన్ సీఈవో జిమ్ టెస్లెట్ ప్రధాని నరేంద్ర మోదీని కలిశారు.

భారత్​–యూఎస్​ ఏరోస్పేస్​, రక్షణ పారిశ్రామిక రంగాల్లో సహకారాన్ని ప్రధాని స్వాగతించారు. ఈ సందర్భంగా ఇరువురి మధ్య ఏరోస్పేస్​, రక్షణ రంగాల బంధాలపై చర్చలు జరిగాయి. 

ఆవిష్కరణలకు ప్రోత్సాహం, మేథో సంపత్తి రక్షణ, ప్రపంచస్థాయి తయారీ మౌలిక సదుపాయాల కల్పనపై ఇరువురు మాట్లాడారు. ఈ నేపథ్యంలో ప్రధాని నరేంద్ర మోదీ మేక్​ ఇన్​ ఇండియాతోపాటు మేక్​ ఫర్​ ది వరల్డ్​ అనే కొత్త నినాదాన్ని ఇచ్చారు. ప్రపంచ సంక్షేమం భారత్​ కు ముఖ్యమన్నారు.