ఇరాన్​ కు అమెరికా వార్నింగ్​

వాషింగ్టన్​: ఇజ్రాయెల్​ ఉగ్రవాదులపై చేస్తున్న దాడులకు ప్రతిస్పందిస్తూ ప్రతిదాడులకు దిగే యత్నం చేస్తే తీవ్ర పరిణామాలు తప్పవని ఇరాన్​ ను అమెరికా హెచ్చరించింది. ఇజ్రాయెల్​ హిజ్బొల్లా, హమాస్​, హౌతీ ఉగ్రస్థావరాలనే లక్ష్యంగా చేసుకుందని పేర్కొంది. ఇందులో జోక్యం చేసుకోవద్దని హెచ్చరించింది.

మధ్యప్రాచ్యంలో ఉద్రిక్తతల నేపథ్యంలో ఇజ్రాయెల్​ కు సహాయంగా యుద్ధవిమానాలు, సైనికులను పంపింది. ఇప్పటికే మధ్యప్రాచ్యంలో పలుదేశాల సరిహద్దుల వెంట 40వేల మంది యూఎస్​ దళాలు మోహరించి ఉన్నాయి. వీరికి అదనంగా మరో 23 వేల మందిని పంపినట్లు తెలిపింది. అంతేగాక ఎఫ 15, ఎఫ్​ 16, ఎప్​ 22, ఏ10 యుద్ధవిమనాలను కూడా పంపినట్లు పెంటగాన్​ అధికార ప్రతినిధి సబ్రీనా సింగ్​ తెలిపారు. 

అమెరికా సైనికులు ఏయే దేశ సరిహద్దుల్లో..

జోర్డాన్​ లో 3000మంది, సౌదీలో 2700మంది, యూఏఈలో 3500మంది, ఖతర్​ లో పదివేల మంది, టర్కీలో 1465మంది, సిరియాలో 800మంది, ఇరాక్​ లో 2500మంది, కువైత్​ లో 13,500మంది అమెరికా సైనికులను ఇప్పటికే మోహరించారు.