ముంబాయి బస్సు ప్రమాదం ఏడుకు పెరిగిన మృతులు

ముంబాయి: ముంబాయిలో సోమవారం రాత్రి జరిగిన బెస్ట్​ బస్సు ప్రమాదంలో మృతుల సంఖ్య ఏడుకు చేరుకుంది. మరో 36 మందిలో పలువురి పరిస్థితి విషమంగా ఉన్నట్లు పోలీసులు మంగళవారం మీడియాకు తెలిపారు. బెస్ట్​ బస్సు కుర్లా నుంచి అంధేరికి వెళుతుండగా కుర్లా స్టేషన్​ రోడ్డులో అదుపు తప్పింది. దీంతో వేగంగా వెళుతూ 40 వాహనాలను ఢీకొట్టింది. అనంతరం స్థానికులు డ్రైవర్​ ను చితకబాది పోలీసులకు అప్పగించారు. పోలీసుల విచారణలో బస్సు డ్రైవర్​ మినీ డ్రైవర్​ అని తేలింది. అదను ఇంతవరకు హెవీ బస్సును నడపలేదన్నారు. దీనిపై విచారణ చేపట్టామన్నారు. కుర్లా రైల్వే స్టేషన్​ రోడ్డు అంబేద్కర్​ నగర్​ వద్ద సోమవారం రాత్రి బస్సు అదుపు తప్పిందన్నారు. ఈ బస్సును బృహన్​ ముంబై మున్సిపల్​ కార్పొరేషన్ (బీఎంసీ)​ నిర్వహిస్తుందన్నారు. నిందితుడు సంజయ్​ మోరేగా గుర్తించామన్నారు. డిసెంబర్​ 1 నుంచి కాంట్రాక్ట్​ డ్రైవర్​ గా విధులు నిర్వహిస్తున్నట్లు నిందితుడు తెలిపాడన్నారు. బ్రేక్​ కు బదులుగా యాక్సిలేటర్​ ను నొక్కడమే ప్రమాదానికి కారణంగా భావిస్తున్నామన్నారు. ఈ ప్రమాదంతో స్థానికంగా భీతావాహ వాతావరణం నెలకొంది. అంబేద్కర్​ నగర్​ రోడ్డు మొత్తం ఎక్కడ చూసినా వాహనాలు కుప్పలుగా పడి ఉన్నాయి. ప్రమాదానికి బీఎంసీ అధికారులే కారణమని మృతిచెందిన, గాయపడిన వారి కుటుంబ సభ్యులు, బంధువులు ఆరోపించారు.