ఎఐతో ఆత్మహత్యలకు పాల్పడేవారిని ముందే గుర్తించొచ్చు!

నా తెలంగాణ, సెంట్రల్​ డెస్క్​: ఆత్మహత్యకు పాల్పడే వారిని ఎఐ (ఆర్టిఫిషియల్​ ఇంటలిజెన్స్​) సాంకేతికత ద్వారా గుర్తించవచ్చని ఓ అధ్యయనంలో వెల్లడైంది. ఈ విషయాన్ని జామా (జేఎఎంఎ–ది జర్నల్ ఆఫ్ ది అమెరికన్ మెడికల్ అసోసియేషన్) పరిశోధించిన నివేదికలో స్పష్ట చేసింది. రెండు విధానాల్లో ఈ పరిశోధన సత్ఫలితాలనిచ్చింది. ఆత్మహత్య చేసుకోవాలని భావించే వారి మెదడు, కణజాలం ఎలక్ర్టానిక్​ చార్ట్​ లో ప్రమాద సమాచారాన్ని క్రోడీకరించి గుర్తించామన్నారు. ఆత్మహత్య చేసుకోవాలనుకున్న వ్యక్తుల్లో ఒక విధంగా, సాధారణ వ్యక్తుల్లో ఒక విధంగా ఈ హెచ్చరికలు ఉన్నట్లుగా గుర్తించారు. తరచూ ఆర్థిక, మానసిక, ఆరోగ్య సంబంధ, కలహాల వల్ల ఆత్మహత్యలు చోటు చేసుకుంటున్నట్లు నివేదికలో వెల్లడించారు. వారి అంతకుముందు చేసిన పరిశోధన పాజిటివ్​ గా ఉండేదన్నారు. వీఎస్​ ఎఐఎల్​ ( వాండర్​ బిల్ట్​ సూసైడ్​ అటెంప్ట్​ అండ్​ ఐడియేషన్​ లైక్​ లిహుడ్​ మోడల్​) అని ఈ సాంకేతికతను పిలుస్తారని, దీని ద్వారా న్యూరాలజీ వైద్యులు ఆత్మహత్యకు పాల్పడే వ్యక్తులను ముందుగానే గుర్తించొచ్చని జామా నివేదిక స్పష్టం చేసింది.