ఎంపీ సారంగిని నేను తోయలే.. రాహుల్​ గాంధీ

నా తెలంగాణ, న్యూ ఢిల్లీ: బాలాసోర్ బీజేపీ ఎంపీ ప్రతాప్ సారంగి గురువారం పార్లమెంట్ మెట్లపై కుప్పకూలారు. ఆయన తలకు గాయమైంది. తనను రాహుల్​ గాంధీ నెట్టేశారని సారంగి ఆరోపించారు. పార్లమెంట్​ లోని మకర్​ ద్వార్​ వద్ద బీజేపీ ఎంపీలు రాహుల్​ గాంధీ సభా ఉల్లంఘనలకు పాల్పడుతున్నారని, చర్చలను సజావుగా సాగనీయడం లేదని ఆరోపిస్తూ ఆందోళన చేపట్టి రాహుల్​ ను అడ్డుకున్నారు. దీంతో ఎంపీల మధ్య తోపులాట చోటు చేసుకొని సారంగి మెట్లపై నుంచి కిందపడ్డారు. ఇదే విషయంపై రాహుల్​ గాంధీని ప్రశ్నించగా బీజేపీ తనపై లేనిపోని అభాండాలు వేస్తుందని సారంగిని తాను తోయలేదన్నారు.