ప్రజాసమస్యలపై గళం విప్పుతాం

2025 నూతన సంవత్సర శుభాకాంక్షలు
కేంద్ర బొగ్గు, గనుల శాఖ మంత్రి జి.కిషన్​ రెడ్డి

నా తెలంగాణ, హైదరాబాద్: నూతన సంవత్సరంలోనూ తెలంగాణ అభివృద్ధికి కృషి చేస్తూనే, ప్రజా సమస్యలపై గళం విప్పుతామని తెలంగాణ రాష్ర్ట బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్​ రెడ్డి అన్నారు. బుధవారం రాష్​ర్ట ప్రజలకు 2025 నూతన సంవత్సర శుభాకాంక్షలు తెలిపారు.ఈ సంవత్సరంలో ఆయురారోగ్యాలు, సుఖసంతోషాలు, సిరిసంపదలు చేకూరులాని మనస్ఫూర్తిగా కోరుకున్నారు. బీజేపీపై ఆదరాభిమానాలు ఎల్లవేళలా ఉండాలని ఆకాంక్షించారు. 2024లో పార్టీపై నమ్మకం, విశ్వాసంతో 36 శాతం ఓట్లతో 8పార్లమెంట్​ స్థానాలను అందించినందుకు ధన్యవాదాలు తెలిపారు. పార్టీ తెలంగాణలో ప్రత్యామ్నాయ శక్తిగా ఎదిగిందని ప్రజలు, కార్యకర్తలు పార్టీ పట్ల చూపిస్తున్న ఆదారాభిమానాలకు హృదయపూర్వక ధన్యవాదాలు తెలిపారు.