కెనడా ప్రధాని రేసులో అనితా ఆనంద్​!

నా తెలంగాణ, సెంట్రల్​ డెస్క్​: కెనడా ప్రధాని రేసులో భారత సంతతి అనితా ఆనంద్​ (57) ఉన్నారు. ఈమెకు తొలిసారిగా 2019లో మంత్రివర్గంలో లిబరల్​ పార్టీ నుంచి స్థానం దక్కింది. న్యాయవాద వృత్తి, పలు విశ్వవిద్యాలయాల్లో విద్యనభ్యసించారు. లిబరల్​ పార్టీ తరఫున అనేక పదవులను చేపట్టి తనదైన శైలిలో బాధ్యతలను సక్రమంగా నిర్వహిస్తూ సమస్యలను ధైర్యంగా ఎదుర్కొన్నారనే పేరును సొంతం చేసుకున్నారు. జస్టిన్​ ట్రూడో రాజీనామా అనంతరం తదుపరి ప్రధాని పేరుపై చర్చలు జోరుగా సాగుతున్న నేపథ్యంలో అనితా ఆనంద్​ పేరు కూడా ప్రముఖంగా వినిపిస్తుంది. ఈమెతోపాటు ప్రధాని రేసులో మాజీ ఆర్థిక మంత్రి, ఉప ప్రధాని క్రిస్టియా ఫ్రీలాండ్, లిబరల్ పార్టీ నేత మార్క్ కార్నీ, లిబరల్​ పార్టీ డొమినిక్ లెబ్లాంక్, మెలనీ జోలీలు ప్రధానంగా ప్రధాని రేసులో ఉన్నారు. 

అనితా ఆనంద్​ తల్లి పంజాబ్​, తండ్రి తమిళనాడుకు చెందినవారు. ఈమె కెనడాలో జన్మించింది. రవాణా, రక్షణ మంత్రిగా గుర్తింపు తెచ్చుకున్నారు. పలు కీలక సంస్కరణలను ధైర్యంగా చేపట్టి ప్రసిద్ధి గాంచారు. కోవిడ్​ సమయంలో వ్యాక్సినేషన్​ అందజేత, ఉక్రెయిన్​ సంఘర్షణలను నిలుపుదల చేయాలనే ప్రయత్నాన్ని కూడా ఈమె చేశారు. దీంతో అనితా ఆనంద్​ కు కూడా ప్రధాని పదవి దక్కే అవకాశం లేకపోలేదనే వాదనలున్నాయి. ఏది ఏమైనా భారతీయ సంతతి వ్యక్తి అనితా ఆనంద్​ కు పీఎం పదవి దక్కితే భారత్​–కెనడా మధ్య నెలకొన్న అంతర్గత విబేధాలు పూర్తిగా సమసిపోయినట్లేనని నిపుణులు భావిస్తున్నారు.