ప్రతీ నిరుపేదకు రోటి కపడా మకాన్
ప్రధాని మోదీ లక్ష్యం 80 కోట్ల మందికి ఉచిత రేషన్ మహారాష్ర్ట సీఎం షిండే
నాందేడ్: ప్రతీ నిరుపేదకు ‘రోటి కపడా మకాన్’ను కల్పిస్తున్న ఏకైక ప్రభుత్వం బీజేపీదని మహారాష్ర్ట సీఎం షిండే అన్నారు. ప్రధానమంత్రి నరేంద్ర మోదీ 80 కోట్ల మంది నిరుపేదలకు మరో ఐదేళ్లు ఉచితంగానే ఆకలి తీర్చే బృహత్తర కార్యక్రమాన్ని చేపట్టారన్నారు. మహారాష్ర్ట నాందేడ్ లో ఎన్నికల ప్రచారం సందర్భంగా ప్రధానమంత్రి శనివారం ఉదయం పాల్గొన్న సందర్భంగా సీఎం షిండే సభలో ప్రసంగించారు.
దేశంలో ఎక్కడా, ఎన్నడూ కల్పించని విధంగా నిరుపేదల సంక్షేమానికి ప్రధాని నరేంద్ర మోదీ పాటుపడుతున్నారని తెలిపారు. దేశాన్ని ఎన్నో ఏళ్లు పాలించిన కాంగ్రెస్ ప్రభుత్వం నిరుపేదల సంక్షేమాన్ని ఏనాడైనా పట్టించుకుందా? అని ప్రశ్నించారు. మోదీ హయాంలో భారత ఆర్థిక వృద్ధితోపాటు, కీర్తి ప్రతిష్ఠలు ప్రపంచవ్యాప్తంగా వెలుగొందాయన్నారు. అదే సమయంలో దేశంలోని అసాంఘిక శక్తులపై ఉక్కుపాదం మోపుతూ శాంతియుత వాతావరణంలో భారత్ ను నిలిపేందుకు ప్రధాని మోదీ కృషి అచంచలమైనదని సీఎం షిండే తెలిపారు.
