సిసోడియాకు చుక్కెదురు

ఢిల్లీ:  మద్యం కుంభకోణంలో మరోమారు మనీష్​ సిసోడియాకు చుక్కెదురైంది. రౌస్​ అవెన్యూ కోర్టు సిసోడియా బెయిల్​ పిటిషన్​ నిర్ణయాన్ని రిజర్వ్​ చేసింది. శనివారం ఈ కేసుపై కోర్టులో విచారణ జరిగింది. ఏప్రిల్​ 15న బెయిల్​ పిటిషన్​ ను విచారించింది. 20వ తేదీకి వాయిదా వేసింది. 
కాగా కోర్టులో సీబీఐ తరపున వాదనలు వినిపించారు. సిసోడియా బెయిల్​ పై అభ్యంతరం వ్యక్తం చేశారు.

 ప్రస్తుతం రెగ్యులర్ బెయిల్‌పై కోర్టు తన నిర్ణయాన్ని రిజర్వ్ చేసిందని, అందుకే ఇప్పుడు మధ్యంతర బెయిల్ పిటిషన్‌ను ఉపసంహరించుకుంటున్నామని సిసోడియా తరపు న్యాయవాది మీడియాకు తెలిపారు. ఢిల్లీలో ఏడు స్థానాలకు మే 25న ఓటింగ్​ జరగనున్న విషయం తెలిసిందే. సిసోడియాకు బెయిల్​ లభిస్తే ప్రచారంలో భాగమవుతారని ఆప్​ పార్టీ ఆశించింది. విచారణ వాయిదా పడడంతో మరోసారి ఆప్​ పార్టీలో నిరాశ నిర్వేదాలు కమ్ముకున్నాయి. గతేడాది 26 ఫిబ్రవరి 2023న సిసోడియాను అరెస్టు చేశారు. అప్పటి నుంచి ఆయన తీహార్​ జైలులో ఉన్నారు.కేసు తదుపరి విచారణ ఏప్రిల్​ 26న చేపట్టనుంది.