ఘనంగా ఎంగిలిపూల బతుకమ్మ సంబురాలు

నా తెలంగాణ, రామకృష్ణాపూర్: రామకృష్ణాపూర్ పట్టణంలో మహిళలు బుధవారం ఎంగిలిపూల బతుకమ్మను ఘనంగా నిర్వహించారు. ప్రకృతిని ఆరాధించే పువ్వులు తంగేడు, గునుగు మొదలైన తీరొక్క పూలతో బతుకమ్మను పేర్చారు. రామకృష్ణాపూర్​ లో ఆయా కాలనీల్లోని కూడళ్లలో పెద్ద ఎత్తున అలంకరణలతో, ఆటపాటలతో బతుకమ్మను ఆడారు. అనంతరం స్థానికంగా ఉన్న చెరువులు, కుంటల్లో బతుకమ్మను నిమజ్జనం చేశారు. ఈ బతుకమ్మ వేడుకల్లో చిన్నా, పెద్దా అనే తేడా లేకుండా మహిళలంతా పాల్గొన్నారు.